Raporo z’urwego rw’ubutasi mu gisirikare cya Leta Zunze Ubumwe z’Amerika zatangaje ko ibitero iki gihugu giherutse kugaba ku nganda eshatu zikorerwamo ubushakashatsi ku ntwaro za kirmbuzi bitegeze bigera ku ntego zabyo .
Ku munsi wo ku wa gatandatu w’icyumweru gishize nibwo Amerika yagabye ibitero bya misile bikomeye ku nganda eshatu zikorerwamo intwaro za kirimbuzi arizo Fordo,Natanz na Isfahan .
Ibi bitero byari bigamije gusenya burundu ubushobozi bwa Iran bwo gukomeza gutunganya intwaro za kirimbuzi ariko amakuru aturuka muri raporo z’ubutasi z’Amerika yerekana ko ibi bitero ntacyo byakoze kuri izi nganda .
Nkuko bishimangirwa n’iperereza rya mbere ryakozwe n’ikigo cya Amerika gishinzwe ubutasi bwa gisirikare [DIA ] , ngo ibi bitero ntago byigeze bigera ku ntego nyamakuru yo gusenya burundu inganda za Iran zikorerwamo izi ntwaro .
Nkuko tubikesha ikinyamakuru cya CBS , ibi bitero byagiwe guterwa muri kariya gace , ubuyobozi bwa gisirikare bwa Iran bufite amakuru yizewe kuri icyo gikorwa , buhita bwimura byinshi mu bikoresho byibanze byifashishwa birimo ibyuma kaburiwe bizwi nka Centrifuge n’ubutare bwa Iranium .
Raporo z’igisirikare cya Amerika [ Pentagon] zishimangira ko nubwo iki gihugu cyifashishije bimwe mu bisasu bizwiho kubanza kwinjira mu bujyakuzimu bw’ubutaka mbere yo guturika bizwi nka Massive Ordnance Penetrators bifite ubushobozi bwo kwinjira muri metero 60 z’ubutaka cyangwa beto ; Imashini za Iran zikora ibi bisasu ntago zigeze zangirika na gato gusa ngo icyakora byinshi mu bice by’inyubako byari biherereye hejuru y’ubutaka birimo n’ibikorwaremezo by’amashyanyarazi byagizweho ingaruka .
Ibi kandi binashimangirwa na zimwe mu mpuguke zirimo Albrigt David ukora mu kigo cy’ubushakashatsi ku mutekano mpuzamahanga nawe wemeje ko nubwo ibyangiritse bizasaba leta ya Tehran ingengo y’imari itubutse kugirango bisanwe , ariko ko bitigeze bivana Iran mu cyerekezo cyayo cyo kongera gukomeza gahunda yayo burundu .
Nyuma y’amasaha make , iki gitero cyimaze guterwa kuri Iran nayo yihise isubiza igaba ikindi gitero cya misile ku birindiro bya Amerika biherereye mu gihugu cya Qatar nubwo byinshi mu bisasu byatawe byagiye biburizwamo n’ubwirinzi bwo mu kirere bw’iki gihugu . Kuri ubu , hakomeje ibiganiro ku mpande zombi biganishwa ku ishyirwaho ry’agahenge .
Ivomo : Washington Post na The New York Times .
 
Jimmy Gatete is a dynamic, Multi-skilled journalist with a broad expertise spanning sports, politics, and international affairs.
