Israel yivuganye bamwe mu bayobozi bakuru ba Iran mu bitero yayigabyeho !

Mu gitondo cyo kuri uyu wa gatanu tariki ya 13 Kamena 2025 , Israel yagabye ibitero bikomeye kuri kamwe mu duce two mu gihugu cya Iran gaherereyemo inganda zikorerwamo intwaro za kirimbuzi zikozwe mu bumara bwa nikeriyeri , byica abarimo uwari Umuyobozi mukuru mu ngabo na babiri mu babikoraga .

Minisitiri w’intebe wa Isreal , Benjamin Netanyahu yavuze ko ibi bitero by’uruhererekane byagwabwe kuri iki gihugu byakozwe mu rwego rwo gukingira abaturage babo bashoboraga kuzaterwa ibisasu byakorerwaga muri kariya gace .

Igitangazamakuru cy’igihugu cya Iran cyemeje ko ibi bitero byatwaye ubuzima bw’abarimo Hossein Salami wari uhagarariye ishami ry’ingabo ryiswe revolutionary Guard corp ,Fereydoun Abbasi wari uhagarariye urwego rw’iki gihugu rwari rushinzwe ibijyanye n’ikorwa ry’intwaro z’ubumara kuva 2011 ndetse na Mahammed Mehdi Tehranchi wari umuhanga mu by’ubutabire ndetse wari no mu bakoraga ibi bisasu .

Nkuko igisirikare cya Israel [IDF] cyabishimangiye mu itangazo cyashyize ahagagara mu rukerera rwo kuri uyu wa gatanu ,ibi bisasu byatewe byangije aho byari bigenewe kwangiza harimo n’uruganda rwakorerwagamo izi ntwaro .

Aho itangazo rigira riti : ” Indege zirenga 6 za Israel zabashije gushwanyaguza neza igipimo kirimo inganda za Iran za nikeriyeri ndetse no mu tundi duce two muri Iran .”

Ibi bitero bigabwe kuri leta ya Tehran bibaye mu gihe haburaga amasaha make mu gihugu cya Oman hagateranira inama yagombaga guhuza Leta Zunze Ubumwe z’Amerika na Iran kugira ngo bashakire hamwe umuti w’ikibazo cy’igabanywa cyangwa ihagarikwa rya burundu ryo gukora izi ntwaro za kirimbuzi zifitemo ubumara bwa nikeriyeri .

Gusa nubwo bisa nk’ibyumvikana ko leta ya Washington yaba ifitemo akaboko muri ibi bitero ,Umunyamabanga mukuru wa Leta zunze Ubumwe z’Amerika yahakanye ibi bikomeje kuvugwa muri rubanda , yemeza ko igihugu cye kitigeze kigira uruhare na ruto mu kugaba ibi bitero kuri Iran ko ari igikorwa cyakozwe na Israel mu rwego rwo kurinda ubwayo .

Aho yagize ati : ” Ntago twigeze tugira uruhare na ruto mu kugaba ibi bitero kuri Iran , ni igikorwa cyakozwe na Israel ; gusa turakomeza kugaragara mu kugena ibikorwa muri kiriya gihugu mu rwego rwo kurinda ingabo zacu ziri muri kariya gace .”

Rubio kandi yatangaje ko ubuyobozi bwa Donald Trump ndetse n’inzego za dipolomasi za Iran bari gukorana kugirango ingabo z’Amerika muri kiriya gihugu zicungirwe umutekano .

“Perezida Trump n’ubuyobozi bwe bari gukora ibishoboka byose ngo barinde ingabo zacu ziri hariya harimo no kuzishakira uburinzi bwa gisirikare ku nshuti zacu ziherereye muri kariya gace …. yego , reka ndase ku ntego , Iran nta musirikare cyangwa umukozi wacu iriburase , ndabijeje . ”