Ikipe ya Rutsiro FC ikomeje kwerekana ko ifite intego yo kongera gukina mu cyiciro cya mbere cya shampiyona y'u Rwanda, nyuma yo kumanuka mu cyiciro cya kabiri mu mwaka w'imikino wa 2025/2026. Iyi kipe ihagarariye Akarere ka Rutsiro yatangiye shampiyona y'icyiciro cya kabiri ya 2026/2027 neza, ndetse kugeza ubu iri ku mwanya wa mbere ku rutonde rw'agateganyo.
Rutsiro FC ni ikipe ishingiye ku karere ka Rutsiro mu Ntara y'Iburengerazuba.Mu mwaka w'imikino wa 2025/2026, iyi kipe yagize ibihe bikomeye muri shampiyona y'icyiciro cya mbere, aho yarangije iri ku mwanya wa 18 n'amanota 29 mu mikino 34 yakinnye.
Yatsinze imikino itandatu, inganya 11, itsindwa 17, ininjizwa ibitego 47 mu gihe yari yatsinze Ibitego 30. Ibi byatumye imanuka mu cyiciro cya kabiri hamwe na AS Muhanga,Kumanuka mu cyiciro cya kabiri kwatumye ubuyobozi bw'ikipe bushyiraho intego yo kongera kuyizamura mu cyiciro cya mbere.
Ku wa 25 Kamena 2026, NSANZINEZA Ernest yongeye gutorerwa kuyobora Rutsiro FC muri manda y'imyaka ine. Mu buyobozi bushya harimo Dusabimana Evode watorewe kuba Visi Perezida wa mbere na Gatwaza Iradukunda wagizwe Visi Perezida wa kabiri
Ku wa 14 Kanama 2025, Rutsiro FC yagiranye amasezerano y'imikoranire na Mama Urwagasabo TV iyobowe na Nyirayo MUTESI Scovia yinjira mu bafatanyabikorwa b'iyi kipe.Aya masezerano y'imyaka ibiri ateganya ko Mama Urwagasabo TV izajya itanga ibikoresho n'imyambaro ikipe ikoresha, ndetse ikamamaza ibikorwa byayo.
Izajya kandi ifasha Rutsiro FC gushaka abandi baterankunga, aho izajya ihabwa 10% by'amafaranga azava ku baterankunga izashakira ikipe.Ku rundi ruhande, Rutsiro FC yemeye kwamamaza iyi televiziyo ku myambaro yayo no ku kibuga cya MUKEBERA Stadium ndetse no kuyigaragaza mu bikorwa by'ikipe.Rutsiro Kandi yanagiranye ubufatanye mu mikoranire yo mubacuruza ikawa ihingirwa mu Karere ka Rutsiro .
Kimwe mu bikorwa by'ingenzi bifitanye isano n'iterambere ry'iyi kipe ni imirimo yo kubaka no kuvugurura Stade ya Mukebera.Ku wa 21 Nyakanga 2025, hatangajwe ko imirimo yo kubaka no kuvugurura iki kibuga yari yatangiye.
Stade Mukebera iherereye mu Murenge wa Mushubati, mu Karere ka Rutsiro, hafi y'umuhanda wa Kivu Belt.Iki kibuga cyari kimaze igihe gifite ibibazo birimo ibyobo n'ibyatsi byinshi byabangamiraga imigendekere y'imikino n'umutekano w'abakinnyi.Imirimo yo kugisana yari igamije gutuma Rutsiro FC yongera kwakirira imikino yayo imbere y'abafana bo mu karere, aho gukomeza gukinira kuri Stade Umuganda mu Karere ka Rubavu.
Ubuyobozi bw'Akarere bwari bwaratangaje ko nyuma y'imirimo yo kugisana, FERWAFA n'ubuyobozi bw'akarere bazasuzuma niba cyujuje ibisabwa kugira ngo ikipe yongere kuhakinira,Ubu Akaba Ariho iri kwakirira IMIKINO ya 2025/2026.
Mu mikino ibiri ya mbere ya shampiyona y'icyiciro cya kabiri ya 2026/2027, Rutsiro FC yatangiye neza cyane,Ku wa 24 Ukwakira 2026, yatsinze City Boys FC ibitego 5-1,Ku wa 1 Ugushyingo 2026, yongeye kubona amanota atatu itsinda La Jeunesse FC igitego 1-0.
Ibi biyihesheje amanota atandatu mu mikino ibiri, aho imaze gutsinda ibitego bitandatu, yinjizwa kimwe gusa.Dore uko amakipe 16 ari mu cyiciro cya kabiri ahagaze, nyuma y'imikino ibiri ya mbere, nk'uko amakuru yo ku wa 2 Ugushyingo 2026 abigaragaza.
Shampiyona y'icyiciro cya kabiri ya 2026/2027 irimo amakipe 16 yemerewe na FERWAFA kuyitabira. Muri yo harimo amakipe asanzwe azwi mu mupira w'amaguru mu Rwanda nka Rutsiro FC, AS Muhanga, Espoir FC, Intare FC na Nyanza FC.
Rutsiro FC yatangiye neza, ariko kuba iri ku mwanya wa mbere nyuma y'imikino ibiri ntibivuze ko yamaze kugera ku ntego yayo.Icyizere cy'abafana, imikoranire n'abaterankunga ndetse n'ibikorwa byo kunoza ibikorwaremezo by'umupira w'amaguru ni bimwe mu bishobora kugira uruhare mu rugendo rwayo.
Ibyifuzo by’abasomyi
