"Buri wese yanze izina nahaye umwana wanjye bavuga ko ari irya"Sekibi" ! Agahinda k'umugore wamaganiwe kure nyuma yo kwita izina umwana we
Nk'uko utwite wese abyara
ni ko byagendekeye uwabyaye umwana izina amuhaye rikamaganwa cyane n'abarimo
umugabo we avuga ko bamubwiraga ko ari irya Sekibi.
Avuga ko we n'umugabo we batekereje izina baha umwana wabo kuburyo bwiza kandi batekereza ko rizamukuza neza , dore ko ngo bizera ko kwita umwana izina ari ukumuha umurage ukomeye mu buzima bwe akiri umwana ndetse amaze no gukora.
Mwabyemera, mwabyanga burya izina rigira uruhare runini mu buzima bwa muntu kuko ari naryo riturukaho uko benshi bazagufata umwana gukura. Iyi niyo mpamvu benshi mu babyeyi bibatwara igihe kinini bahitiramo abana babo amazina meza ndetse bakabaha amazina afite ikindi yerekezaho mu kubaraga ibyiza.
Nk'uko tubikesha ikinyamakuru The Mirror , uwo mugore avuga ko yahisemo izina 'Damian' ariko akamaganwa cyane.
Yagize ati:"Ku nshuro ya mbere naratwise , nsanga ni umuhungu. Akivuka twahisemo ku mwita Damian , ariko uwo mwanya bose baratwamagana. Ntabwo ngiye kurihindura kuko njye n'umugabo wanjye twese turarikunda ariko sinzi impamvu abantu bose bataryemeye".
Bamwe mu bagize icyo bavuga kuri nkuru bagaragaje ko impamvu yabyo ari uko hari Filime ikinamo umugabo w'umugome witwa Damiah witwa "The Omen Film Series" ndetse ngo uwo mugabo akaba ari umwana wa Sekibi ari n'umuhakanyi (Anti-Christ).
Undi yagize ati:"Iri zina kuri njye nzahora ndigereranya n'uwo mugabo wo muri iyo Filime niyo mpamvu ntarikunda".
Undi ati:"100/100 wagirango ni The Omen Movies. Numvise Damian uwo mwanya mpita ntekereza iyo Filime kandi sindanayireba. Ariko ni izina ryiza bitari ibyo umwana na we ubwe azatuma izina rye riba ryiza ku bwe".
Benshi bahamya ko amazina y’umuntu ntaho yagahuriye n’ayiswe undi muntu ngo na cyane ko buri wese agira umwihariko.
