Umutwe wa AFC/M23 washyize hanze amabwiriza mashya ku bwo kwirinda icyorezo cya Ebola cyugarije DR – Congo

Muri izo ngamba nshya zigiye gufatwa na afc/m23 , ingendo z’imodoka za Taxi, zavaga mu Mugi wa Goma zerekeza Kirumba zizahagarara guhera ku wa Gatandatu tariki 22 Kanama 2026.

Ingendo zo mu mazi na zo zimwe na zimwe zizafunga mu rwego rwo kwirinda ko habaho kwanduzanya byumwihariko kubashobora kuva mu bice birimo icyo cyorezo bajya mu Mugi wa Goma n’ahandi hatari hagaragara icyo cyorezo cyane.

AFC/M23 ivuga ko ibyo bikorwa bizahagaragara mu gihe kingana n’ukwezi gusa ngo hakazabaho gufunga imihanda ariko imodoka zimwe na ziwe zikajya zemererwa gukora nk’uko ikinyamakuru Pg Peoples gazette kibitangaza.

Umutwe wa M23 , wafashe izo ngamba nyuma y’aho abantu babiri basanzwe icyo cyorezo mu Mugi wa Lubero aho M23 isanzwe iyobora.

Kugeza ubu umutwe wa M23 uyobora ibice binini muri Kivu y’Amajyepfo n’Amajyaruguru kuva yafata Umugi wa Bukavu na Goma muri 2025. Kugeza ubu AFC/M23 bashyizeho ingamba zikomeye zo kwirinda icyorezo cya Ebola ku ruhande rwabo batishingikirije kuri Kinshasa.

Kuba Ebola ikomeje gukwirakwira mu Gihugu hose, AFC/M23 ibifata nk’ikimenyetso cy’uko uubuyobozi bwa Kinshasa budashyira imbaraga mu kugikumira nk’uko ikinyamakuru Africans kibitangaza dore ko amakuru aherutse gushyirwa hanze na Leta , yemeza ko abagera ku 5,000 barenga bamaze kucyandura muri DR-Congo.

Abahanga bavuga ko mu gihe abantu baba bakomeje gukora ingendo ziberekeza mu Burasirazuba bwa Congo byakongera ibyago byo kwandura icyo cyorezo dore ko kimaze kugera mu Ntara zigeze kuri 6.

Umuryango w’Abibumbye ushinzwe Uburenganzira bwa muntu wakomeje gutanga ubufasha muri icyo Gihugu kugira ngo harengerwe ubuzima bw’abandura.