Rwanda Premier League yasohoye ingengabihe ya BK Pro League 2026-2027 izatangira tariki 4 Nzeri 2026 ikarangira tariki 30 Gicurasi 2027
Kuri uyu wa Mbere, tariki ya 17 Kanama 2026, ni bwo Urwego rw'Igihugu rushinzwe Shampiyona y’umupira w'amaguru mu Rwanda (Rwanda Premier League- RPL), rwashyize hanze ingengabihe y’imikino ya BK Pro League 2026-2027. y’imikino yashyizwe hanze, ikaba igaragaza ko nk’uko byagenze mu mwaka ushize hazakinwa imikino 306.
BK Pro League 2026-2027 izatangira tariki 4 Nzeri 2026 irangire tariki 30 Gicurasi 2027. Umukino ufungura shampiyona uzahuza Kiyovu Sports Club na Gorilla FC ku wa gatanu tariki 4 Nzeri 2026 kuri Kigali Pelé Stadium.
Nk'uko bigaragara ku ngengabihe yasohotse imikino myinshi izabera kuri Kigali Pelé Stadium.
Nk'uko umwaka ushize wagenze aho BK Pro League 2025-2026 yitabiriwe n'amakipe 18 n'uyu mwaka niko bimeze, izakinwa n'amakipe 18. Harimo amakipe 16 yo mu Rwanda n'amakipe abiri yo muri Sudan. Uyu mwaka kandi Étoiles De l'Est FC na Sunrise FC zikaba zigiye gukina bwa mbere BK Pro League nyuma yo muzamuka mu cyiciro cya mbere aho zasimbuye Rutsiro FC na As Muhanga FC.
Nk'uko bigaragara ku ngengabihe Rayon Sport FC izabanza kwakira APR FC. Ni umukino uzaba ku itariki ya 21 Ugushyingo, kuri Stade Amahoro. Nyuma yo kwakirwa na Al HILAL FC ndetse ihite yakirwa na Kiyovu Sports Club
Mu mwaka ushize wa 2025/26, ntabwo Stade ya Huye yigeze ikinirwaho kubera ko yarimo ivugururwa, imikino yaberaga kuri kuri Stade Kamena. Uyu mwaka izongera kwakira imikino nk'uko byari bisanzwe.
K'umunsi wa mbere imikino itatu ntabwo izaba bitewe n'uko amakipe yari kuzakina iyo mikino azaba ari mu mikino nyafurika ya CAF.
Umukino wa APR FC na Musanze FC, Bugesera FC na Al Hilal FC n’uwa Rayon Sports FC na Al Merrikh FC, yagizwe ibirarane kuko amwe mu makipe azayikina azaba ari gukina CAF Champions League na CAF Confederation Cup.
Nk'uko bigaragara imikino yo kwishyura izatangira mu kwezi kwa mbere aho Umukino wa mbere wo kwishyura uzahuza APR FC na Rayon Sports FC.
