Umubyeyi wa Lamine Yamal wamamaye mu mupira w'amaguru by'umwihariko mu ikipe ya FC Barcelona n'Ikipe y'Igihugu Espanye , akomeje gutangaza benshi kubera uburyo yasohotse yambaye bya gikumi bamwe bati:"Naryoherwe n'ubwamamare bw'umwana we".
Si ubwa Mbere Sheila Ebana atunguye abafana be n'ab'umuhungu we ku mbuga nkoranyambaga akambara mu buryo butuma benshi bamufataho ikiganiro bavuga ibyo bishakiye n'ubwo kuri iyi nshuro byafashe indi ntera.
Umubyeyi wa Lamine Yamal Sheila Ebana kandi yatangiye kwamamara mu itangazamakuru nyuma y'aho umwana we azamuriye urwego mu mikinire by'umwihariko ubwo yatwaraga igikombe cy'Isi cya 2026 Sheila Ebana akaba ikimenyabose.
Nyuma yo gutwara icyo gikombe kuri Lamine Yamal, hanze hagiye inkuru zishimira Sheila Ebana waruhanye umuhungu we kugeza ubwo agereye muri La Masia ya FC Barcelona itoza abana b'abahanga muri ruhago.
Kimwe na nyina w'uwahiriwe , Sheila yakuriye impaka bamwe bemeza ko akiri mu myaka mito bityo ko abikwiriye abandi bavuga ko yirimbisha cyane akambara imitako ihenze kandi asa n'ukuze.
Lamine Yamal na we amaze igihe avugwa mu nkuru z'urukundo n'abakobwa batandukanye nk'igihembo cy'ibyo amaze kugeraho muri ruhago gusa agasabwa kwitonda ahubwo akita ku mpano ye mu mupira w'amaguru.
