Mu gihe 'Tekinologi' ikomeje gutera imbere benshi
batangiye kumenya uburyo bwo kuyikoresha mu bigamije guteza imbere muntu ,
n'ubwo hari abavuga ko ku ruhande rumwe bikorwa mu nyungu zabo bwite.
Ubushinwa bugeze kuri iyi ntego buyikuyeho Elon Musk
wari wavuze ko agomba kuba uwa mbere uzakora agakoresho 'Brain Chip' gashyirwa
mu bwonko bwa muntu.Ako gakoresho kiswe 'NEO' , gashyirwa mu bwonko nyuma yo
kubagwa ndetse ngo bakaba bagiye gutangira gukora igerageza ryako.
Igice cya Mbere cy'ako gakoresho gashyirwa mu bwonko
kashyizwe hanze n'Ubushinwa, kitezweho gufasha abarwayi b'urutirigongo (Spinal
Cord) , by'umwihariko abakoze impanuka ndetse n'abarwayi ba 'Pararize'.
Ishyaka riri kubutegetsi mu Bushinwa (Chinese
Community Party) na Elon Musk basanga iyo ari intambwe ya mbere nziza mu
gushyira mu bikorwa gahunda yo gushyira mudasobwa mu bwonko bwa muntu , ituma
arushaho gutekereza cyane.
Ubwo Elon Musk yari muri Israel muri Gicurasi,
yatangaje ko ashyize imbere gahunda yo gushaka uko hajya hagarurwa intekerezo
z'umuntu warwaye 'Pararize' cyangwa uwavunitse urutirigongo kubera
impanuka cyangwa indi mpamvu y'uburwayi.
Elon Musk yavuze ko kuri we abyita 'Yesu'.
Ati:"Kugarura intekerezo z'abantu barwayi indwara ya 'Tetraplegics'
bakongera kubona ntekereza ko ari igitekerezo cyiza kandi kigari. Ni kimwe mu
byo nshobora kwita 'Jesus Level Technology'.
Mu ikoranabuhanga rya 'Neuralink' , Elon Musk
yatangaje ko rizajya rifasha abantu kwandika (Typing) cyangwa gukoresha 'Mouse'
ya Mudasobwa hakoreshejwe ibyashyizwe mu bwonko.
Elon Musk avuga ko iryo koranabuhanga rizafasha no
muzura abapfuye ndetse rigakangura ubwonko. Elon Musk avuga ko uretse
abavunitse urutirigongo, Brain Chip , izanakoreshwa mu kuvura abarwaye 'Stroke,
stress' ndetse n'abandi bafite ibibazo by'ubwonko.
