Umunyamabanga Mukuru wa United Nations, António Guterres, yasabye umuryango mpuzamahanga kwigira ku mateka ya Jenoside yakorewe Abatutsi mu 1994, hagamijwe ko ibyabaye bitazongera kubaho ukundi.
Umunyamabanga Mukuru wa United Nations, António Guterres, yasabye umuryango mpuzamahanga kwigira ku mateka ya Jenoside yakorewe Abatutsi mu 1994, hagamijwe ko ibyabaye bitazongera kubaho ukundi.
Ku wa 7 Mata 2026, Abanyarwanda n’inshuti zabo hirya no hino ku Isi batangiye icyumweru cy’icyunamo, gitangiza ibikorwa byo kwibuka ku nshuro ya 32 Jenoside yakorewe Abatutsi yahitanye ubuzima bw’abarenga miliyoni imwe mu minsi 100.
Ibi bikorwa byibanze ku nsanganyamatsiko igira iti “Twibuke, Twiyubaka”, ishishikariza Abanyarwanda kuzirikana abazize Jenoside no gukomeza urugendo rwo gusana ibyangijwe n’ayo mateka.
Mu butumwa bwe, Guterres yunamiye abazize Jenoside, abaha icyubahiro, anashimira abarokotse bagaragaje imbaraga zo kwiyubaka aho guheranwa n’agahinda. Yanagarutse ku ruhare ruto umuryango mpuzamahanga wagize mu gihe Jenoside yabaga, avuga ko byari uburangare bukomeye.
Yagize ati, ku munsi mpuzamahanga wo kwibuka Jenoside yakorewe Abatutsi, isi yose igomba kunamira abazize Jenoside, ikabaha icyubahiro bambuwe, ikanashimira abarokotse ku budaheranwa bagaragaje, ariko kandi ikemera amakosa yakozwe yo kudafata ingamba zihuse zo kurokora ubuzima.
Guterres yagaragaje ko kwibuka byonyine bidahagije, ahubwo ko bikwiye kujyana no gufata ingamba zihamye zo kurwanya urwango, imvugo zisenya, n’ibikorwa bishobora guteza urugomo. Yasabye ko hashyirwa imbaraga mu kubaka imibanire myiza no gushimangira inzego zishinzwe gukumira ibyaha ndengakamere.
Yongeyeho ko ari ngombwa ko ibihugu byose bishyira imbaraga mu kubahiriza amasezerano mpuzamahanga agamije gukumira no guhana ibyaha bya Jenoside, anasaba ibitarayashyiraho umukono kubikora vuba no kuyashyira mu bikorwa.
Kugeza ubu, ibihugu 153 ni byo byamaze gushyira umukono kuri ayo masezerano, icyakora haracyari urugendo rwo kuyashyira mu bikorwa neza kugira ngo Jenoside itazongera kubaho ahandi hose ku Isi.
Antonio
Umunyamabanga Mukuru wa United Nations, António Guterres, yasabye umuryango mpuzamahanga kwigira ku mateka ya Jenoside yakorewe Abatutsi mu 1994, hagamijwe ko ibyabaye bitazongera kubaho ukundi.
