Igitego cya Hakim Hamissi cyo ku munota wa 84 nicyo gihesheje Kiyovu Sports Club gutwara igikombe nyuma y'imyaka 33.
Kuri iki Cyumweru, tariki ya 30 Kanama 2026, ni bwo kuri Kigali Pelé Stadium, habereye umukino wa nyuma w’irushanwa rihuza amakipe yitwaye neza mu mwaka wa 2025/26, nubwo nta n’imwe yatwaye igikombe na kimwe mu bikomeye bikinirwa mu Rwanda, yaba icya Shampiyona n’icy’Amahoro.
Choosing Quality Sports Equipment
Police FC ntabwo yari ifite kapiteni wayo, Nsabimana Eric ‘Zidane’ wavunikiye mu mukino wa 1/2 ikipe ye yakinnye na Rayon Sports.
Kiyovu Sports Club nayo yarifite Hakim Hamiss, wabonye ibyangombwa nyuma yo gutsinda Gasogi United FC mu bujurire igategekwa kumuha ibaruwa imurekura.
Downloading Interactive Geographic Maps
Ugereranyije n’imikino amakipe yombi yakuyeho itike zo gukina uyu mukino wa nyuma, uyu mukino wagendaga buhoro cyane, kuko nta n’imwe yageragezaga kugera imbere y’izamu kenshi ngo ishake igitego.
Mu gice cya mbere Kiyovu Sports Club yabonye koruneri ebyiri mu gihe Police FC yabonye koruneri eshatu.
Igice cya mbere cyarangiye amakipe yombi anganya 0-0.
Mu Gice cya Kabiri
Igice cya kabiri cyatangiranye imbaraga, kurusha mu gice cya mbere, ariko Kiyovu Sports Club isatira cyane Police FC, ihita ibona n’amahirwe akomeye ku ishoti rikomeye ryageragejwe na Hamis Hakim ku munota wa 49, ariko rinyura hejuru y’izamu gato.
Nyuma y’umunota umwe gusa Police FC yahise igera imbere y’izamu rya Kiyovu Sports Club ibona koruneri yavuyemo akavuyo, Kwitonda Alain atera ishoti mu izamu rikurwamo n’umunyezamu wa Kiyovu Sports club James Desire.
Choosing Quality Sports Equipment
Ni mu gihe Rkyek Jaafar utoza Police FC yakuyemo Tangara Keffa, Iradukunda Simeon na Luc Bide ashyiramo Ingabire Chrisman, Ekeson Okorie na Manishimwe Djabel.
Ku munota wa 84 w’umukino, myugariro wa Kiyovu Sports Club Ntwali Asman yahinduye umupira mwiza mu rubuga rw’amahina, usanga Hakim Hamis ahagaze neza mu rubuga rw’amahina, aragarama ashyira umupira mu izamu atsinda igitego.
Choosing Quality Sports Equipment
Iki gitego ni cyo cyahesheje intsinzi Kiyovu Sports club yegukana Igikombe cya FERWAFA Super Cup nubwo yabaye iya gatatu muri shampiyona y’umwaka ushize wa 2025/26.
Kiyovu Sports Club yegukannye igikombe na miliyoni 40 Frw, mu gihe Police FC yo yzhawe miliyoni 20 Frw.
Choosing Quality Sports Equipment
Ibyifuzo by’abasomyi
