KNC nyuma yo gutsindwa na Hakim Hamiss avuga ko yasuzuguwe ngo Kiyovu niba imushaka nize baganire
KNC Umuyobozi wa Gasogi United FC yajuriye muri komisiyo y'ubujurire nyuma yo gutsindwa na Hakim Hamis.
KNC nyuma yo gutsindwa urubunza Hamis yari yamurezemo muri Ferwafa ko yamwimye urwandiko rumwemerera kujya mu yindi kipe ashaka(Release Letter). Yajuriye avuga ko bamusuzuguye (Kiyovu Sports Club) kuko ngo akiri umukinnyi wa Gasogi United FC.
Uko ikibazo giteye
Hamis Hakim yagiye muri Gasogi United FC avuye muri Vision FC,aguzwe milioni umunani (8M) akavuga ko atari ayakwiye ndetse ko yahembwaga ibihumbi ijana na mirongo itandatu (160K) akagenda amuzamura akamugeza ku bihumbi magana atanu (500K),avuga ko yamusinyishije imyaka ine(4) mu mwaka wa 2022-2023 amasezerano ayasinya tariki 16/8/2022.
Bivuze ko amasezerano ye yagombaga kurangira mu mwaka w'imikino 2025-2026. Ariko KNC we avuga ko agifite amasezerano y'umwaka azarangira mu mwaka w'imikino wa 2026-2027. Bivuze ko yaba ayikiniye imyaka itanu kandi mu masezerano ari imyaka 4.
Uko KNC yireguye muri Komisiyo
Mu masezerano mu magambo havugwamo imyaka ine (4). Mu gihe mu mibare banditse imyaka itanu(5). Komisiyo y'amategeko muri Ferwafa ivuga ko kuba KNC yaribeshye mu kwandika amasezerano (contrat) ya Hakim muya Papy nta bimeyetso bigaragara abitangira kwibeshya ntabwo arikosa ry'umukinnyi ni kosa ry'uwanditse amasezerano niwe ugomba kubyirengera.
Hakim avuga ko we yasinye amasezerano y'imyaka ine(4) mu gihe Gasogi yo ivuga ko yasinye imyaka itanu (5) mu gihe mu masezerano handitsemo imyaka ine (4) atari imyaka itanu(5). Akavuga ko mu gihe yasinyaga amasezerano (contract) ntayo bamuhaye ahubwo bayimuhaye amasezerano ye agiye kurangira, akavuga ko icyo gihe kuko bari babonye ikosa bagombaga kurikosora ariko ntabyo bakoze.
Umwanzuro wa Komisiyo y'amategeko
Nyuma yo kumva ibisobanuro bya buri Ruhande komisiyo yategetse ko Gasogi United FC iha urwandiko (Release Letter) rurekura Hakim akajya mu ikipe ashaka. Nyuma y'uko urubanza ruciwe agatsindwa Hakim yahise ajya muri Kiyovu Sports Club ariko kugeza n'ubu KNC ntabwo yemera ko yatsinzwe akaba yarajuriye ndetse anavuga ko azakomeza akagera muri TAS.
Gusa nk'uko bigaragara araburana urabanza rwa ndanze gusa kuko nta ngingo n'imwe afite imurengera. KNC avuga ko azakomeza kurega ndetse azagera ngo baramusuguye.
Tuzakomeza gukurikirana uko iki kirego kizarangira nyuma y'ubujurire yatanze.
