Umukunzi wa Lamine Yamal yatunguranye azimya umuriro wototeraga urukundo rwabo - AMAFOTO

Mu bihe byishize, benshi bahamyaga badashidikanya ko urukundo rwa Ines na Lamine Yamal rushobora kuba rwarazambye kubera ubutumwa uyu mukobwa usanzwe waramamaye ku mbuga nkoranyambaga adasiba gushyira hanze asa n’utabikuye ku mutima rimwe na rimwe.

Ines Garcia, yaherukaga gutwererwa ubutumwa , bwavugaga ko yatangaje ko nyina wa Lamine Yamal ushobora kuzaba ‘Nyirabukwe’ atamukunda ndetse ngo atamushimiye uyu mukobwa ibintu yemezaga ko byamubabaje na we agahitamo gufata izindi nzira.

Uretse na Sheila Eban nyina wa Lamine Yamal byavugwaga ko adakunda uzaba umukazana we, ngo na Se wa Lamine Yamal ntiyamukundaga kuko yigeze kugira inama Lamine Yamal yo guhagarika umubano bafitanye kuko ngo yasanze uyu mukobwa ashobora kuba ari ‘Umukuzi w’ibyinyo’  nk’uko byakunze kuvugwa, bityo ko ngo intego ye ari ugusiga uyu mwana imifuka yera de.

Mu kwishongora kwinshi, Ines Garcia, yashyize ubutumwa ku mbuga nkoranyambaga bwatunguye abana ba Fc Barcelona naba Lamine Yamal muri rusange, aho yagaragaje ko ari ubwa mbere yari ageze kuri Stade ya Camp Nou kandi ko yishimiye kureba umukunzi we akina.

Yanditse ati:”Ndimo kureba umukunzi wange [My Babe]  ku nshuro yange ya mbere i Camp Nou, nejejwe no kumureba”.

Ines Garcia na we amaze kumenyekana ku mbuga nkoranyambaga ku rwego rw’Isi, kuva aho atangiye gukundana na Lamine Yamal ndetse uko bwije n’uko bukeye akaba akomeza kwiyegereza uyu mwana utanga icyizere muri ruhago y’Isi.

Kuba yagaragaye kuri Stade Camp Nou, byatumye benshi bagabanya ku gushidikanya ku rukundo rwabo n’ubwo babibonamo imbogamizi izarangiza ‘Yamal’ mu buryo bw’imikinire.

Haba Fc Barcelona , yaba Espanye ndetse n’abakunzi b’umupira w’amaguru bari kumavi aho basengera uwo mwana ngo ntazasubizwe inyuma n’urukundo uyu mukobwa amuha atitangiriye itama.

Ines Garcia, ni umukobwa w’imyaka 21 y’amavuko wavukiye mu Gihugu cya Espanye , Seville. Yamenyekanye cyane kubera Lamine Yamal ariko asanzwe ari umunyamideri ufatanya n’ubushabitsi bwo kumbuga nkoranyambaga.

REBA HANO AMAFOTO YA LAMINE YAMAL N'UMUKUNZI WE INES GARCIA BISHIMANYE.