Green Card, icyangombwa giha umuntu uburenganzira bwo gutura no gukorera burundu muri Leta Zunze Ubumwe za Amerika, ikomeje kuba inzozi z’abantu benshi ku isi, barimo n’Abanyarwanda bifuza kubona amahirwe mashya mu burezi, akazi no kwiteza imbere.
Green card Uburyo bumwe bwo kuyisaba ni porogaramu ya Diversity Visa Lottery (DV Lottery),iyi porogaramu itoranya abantu bo mu bihugu byemerewe kwitabira, ariko gutoranywa ntibihita bivuga ko umuntu azahabwa visa.
Mu mwaka wa 2026, gahunda ya DV-2027 yatinze gutangazwa, bituma abantu benshi bategereza igihe cyo kwiyandikisha. Ku wa 14 Ukwakira 2026, urukiko rwo muri Leta ya California rwategetse Minisiteri y’Ububanyi n’Amahanga ya Amerika gutangaza igihe cyo kwiyandikisha bitarenze ku wa 29 Ukwakira, no gufungura ubusabe bitarenze ku wa 1 Ugushyingo 2026, bugakomeza mu gihe cy’iminsi 30. Icyakora, aya ni amatariki yagenwe n’urukiko; abantu bagomba kugenzura niba nta zindi mpinduka zabaye mbere yo gutanga ubusabe.
Porogaramu ya DV isanzwe igenera abantu baturuka mu bihugu byemerewe amahirwe yo gusaba imwe muri visa zigera ku 55,000 ziteganywa n’iyi gahunda buri mwaka. Abifuza kwitabira bagomba kuzuza ibisabwa birimo kuba bakomoka mu gihugu cyemerewe, no kuba bujuje ibisabwa bijyanye n’amashuri cyangwa uburambe mu kazi. Gutoranywa ntibihagije: usaba agomba gukomeza inzira y’ubusabe, gutanga ibyangombwa bisabwa no gutsinda igenzura ry’abinjira muri Amerika.
Nubwo hari icyizere cyo gufungura ubusabe bwa DV-2027, hari indi ngingo ikomeye abifuza kujya muri Amerika bakwiye kumenya. Ku wa 31 Kanama 2026, Minisiteri y’Ububanyi n’Amahanga ya Amerika yatangaje ko yahagaritse gutanga visa z’abatoranyijwe muri gahunda ya Diversity Visa, mu gihe isuzuma uburyo bwo kugenzura abasaba. Ibi bivuze ko gutangazwa cyangwa gufungurwa kw’iyandikisha bidakwiye gufatwa nk’icyemezo cy’uko visa zizahita zitangwa.
Abanyarwanda n’abandi bifuza kwitabira iyi gahunda barasabwa gukurikirana amakuru atangwa na Leta ya Amerika, birinda abababwira ko bashobora kubatoranyiriza Green Card cyangwa kubizeza visa. Amakuru yemewe n’igihe cyo kwiyandikisha biboneka ku rubuga rwa Minisiteri y’Ububanyi n’Amahanga ya Amerika,naho ubusabe butangwa gusa igihe urubuga rwemewe rufunguye.
Green Card ishobora kuba intangiriro y’urugendo rushya ku bazuzuza ibisabwa, ariko bisaba amakuru yizewe,
Ese wowe Wigeze ugerageza Green card? Byagenze Bite?
Ibyifuzo by’abasomyi
