Umuhanzikazi Beyonce yasanganiwe n'abana be barimo Ivy na Rumi mu birori byabereye mu Mujyi wa Houston kuri uyu wa Kabiri.
Blue Ivy w'imyaka 14 y'amavuko na Rumi w'imyaka 9 y'amavuko basanganiye nyina Beyonce w'imyaka 45 ku rubyiniro ubwo yari kumwe na Kelly Rowland w'imyaka 45 na nyina Tina Knowles w'imyaka 72 y'amavuko.
Aba bana bari kumwe na nyirakuru wabo bagaragaye mu myambaro idasanzwe dore ko na we yasaga n'ukiri muto bitewe nibyo yari yambaye.
Uretse Blue Ivy na Rumi kandi Beyonce ni nyina wa Sir Carter , Nine yabyaranye na Jay Z w'imyaka 56 y'amavuko. N'ubwo byagenze gutyo kandi ntabwo byatangajwe ko Jay Z n'abo bandi bana bari baje gushyigikira Beyonce.
Rumi na Blue Ivy baherukaga kugaragara mu gitaramo cya Beyonce cyiswe Cowboy Carter Tour cyabaye muri 2025. Basanze nyina ku rubyiniro ubwo yari ari kuririmba indirimbo yise 'Protector' ndetse Blue Ivy agaragara mu babyinnyi bafashaga nyina.
N'ubwo Blue Ivy akiri umwana ariko yagaragaye mu bihembo bitandukanye birimo ; Grammy Awards, MTV VMA , Moon Man , NAACP Image Award , Voice Arts Award, BET Awards ndetse yanaciye uduhigo tubiri rwa Guinness World Records.
Mu ntangiriro z'uyu mwaka Blue Ivy na nyina bagaragaye muri Met Gala bari kumwe.
