Umubyinnyi Titi Brown yihakanye Inkumi yitwa Innocente bivugwa ko bakundana anatangaza ko Ntacyo afata kuri iyo nkumi avuga ko ahubwo ari mushiki we.
Ishimwe Thierry wamamaye mu mwuga wo Kubyina nka Titi Brown yahakanye amakuru akomeje kuvugwa ko ari mu munyenga w’urukundo n’umukinnyi wa filime Bizimana Pamella, uzwi nka Innocente mu myidagaduro, avuga ko ari inshuti zisanzwe kandi bafitanye umubano wa hafi w'ubuvandimwe.
Mu kiganiro yagiranye na Isimbi TV, Titi Brown uri mu bagezweho mu Kubyina mu ndirimbo z'abahanzi, yavuze ko Innocente ari umuntu w’ingenzi kuri we ariko ko nta rukundo rwihariye ruri hagati yabo, bityo ko ibibavugwaho ari Ibihuha.
Titi Brown yagize ati: “Ni inshuti yange cyane... Innocente ntacyo mfataho pe! Ni mushiki wange Kandi Ntabwo wakundana na mushiki wawe".
Ubwo yahakanaga aya makuru, Titi Brown yanavuze ko muri iki gihe ari wenyine nta Mukunzi afite ndetse ko atangiye gukumbura kuba mu rukundo, nyuma y’amezi agera kuri atandatu atandukanye n’uwahoze ari umukunzi we batagihuza.
Nyuma y'ayo magambo ya Titi Brown yihakana Innocente, Abantu bahise bavuga ko yirase ndetse ko nubwo yaba adakundana n'umuntu atagakwiye gukoresha amagambo nk'ayo yakoresheje agira ati "Ntacyo mfataho".
Titi Brown agarutse ku by'urukundo, Nyuma y'iminsi mike atangaje ko yaguze imodoka Nshya yo mu bwoko bwa BMW ikabakaba agaciro ka Miliyoni 34 z'Ananyarwanda bimushyura mu byamamare mu Rwanda bigenda mu modoka zihenze.
