Umufaransa Calvin Hemery yegukanye icyumweru cya mbere cy’Irushanwa Mpuzamahanga rya Tennis, “Rwanda Open M25”, nyuma yo gutsinda Umunya-Zimbabwe Benjamin Lock amaseti 2-0 (6-3, 6-3).
Umufaransa Calvin Hemery yegukanye icyumweru cya mbere cy’Irushanwa Mpuzamahanga rya Tennis, “Rwanda Open M25”, nyuma yo gutsinda Umunya-Zimbabwe Benjamin amaseti 2-0 (6-3, 6-3).
Rwanda Open M 25 2026 ryatangiye tariki 28 Nzeri 2026 kugeza tariki 11 Ukwakira 2026. Bakaba bakina ibyumweru bibiri bahatanira amanota 25 abafasha kuzamuka ku rutonde mpuzamahanga ry'umukino wa Tennis ku Isi ndetse haba harimo n'ibihembo by’amafaranga ibihumbi mirongo itatu (30K$) muri
buri cyumweru.
Icyumweru cya mbere cyatangiye tariki 28 Nzeri kugeza tariki 4 Ukwakira 2026 naho icyumweru cya kabiri Cyatangiye tariki 4 Ukwakira kugeza tariki 11 Ukwakira 2026. Imikino yose ikaba ibera ku bibuga bya Kicukiro Ecology Tennis Club muri RP Kicukiro yahoze ari IPRS mu mugi wa Kigali.
Iri rushanwa rihuza abakinnyi babigize umwuga mu mukino wa Tennis.
Uyu mufaransa Hemery wegukanye irushanwa icyumweru cya mbere yageze ku mukino wa nyuma asezereye mwene wabo w’Umufaransa Florent Bax muri 1/2.
Benjamin Lock w'umunyazimbabwe yasezereye Umuholandi Max Houkes wari nimero ya mbere mu bakinnyi bahabwaga amahirwe menshi yo kwegukana iri rushanwa.
Hemery yinjiye muri uyu mukino ari we uhanzwe amaso cyane, bitewe n’ubunararibonye afite mu marushanwa mpuzamahanga ndetse n’urugendo rwiza yari yagize kuva Rwanda Open M25 itangiye.
Mu mukino wa nyuma, uyu Mufaransa yatangiye ari hejuru ya Benjamin Lock. Maze yegukanye iseti ya mbere ku manota 6-3, ndetse na seti ya kabiri nayo ayimutsinda ku manota 6-3, ahita asoza umukino adatakaje iseti n’imwe.
Hemery ku rutonde rwa ATP rwashyizwe hanze ku wa 21 Nzeri 2026, Hemery yari ku mwanya wa 321 ku Isi mu gihe urwego rwo hejuru yigeze kugeraho ari umwanya wa 116, yagezeho ku wa 30 Mata 2018.
Mu Cyiciro cy'abakina ari Babiri
Mu Cyiciro cy'abakina ari Babiri irushanwa ryegukanywe n'Abanyamerika Axel Nefve na Noah Schachter batsinze amaseti 2-0 batsinda Umurundi Allan Gatoto n’Umunya-Kenya Kael Shalin Shah.batsinzwe iseti ya mbere amanota 6-3 n'iseti ya kabiri amanota 6-2.
Gatoto Allan na Kael ShalinNyuma yo kugera ku mukino wa nyuma nibo babaye abakinnyi beza bo mu Karere k' Afurika y’Iburasirazuba muri iki cyumweru cya mbere.
Imikino y’icyumweru cya kabiri izabera ku bibuga bya Kicukiro aho abakinnyi bazongera guhatanira
Abanyarwanda Niyigena Etienne na Ishimwe Claude nabo baraba bari mu bahatanira amanota ndetse n'ibihembo n'ubwo bigoye ukurikije abakinnyi bahari barimo guhatana nabo.
