Umuhanzi Ruti Joel yasubije Sherrie Silver uherutse kwihenura ku bantu, avuga ko abamwandikira ikinyarwanda baba bata igihe cy'ubusa.
Mu mpera z'icyumweru cya Mbere cy'Ukwakira 2026, nibwo Abakoresha Imbuga nkoranyambaga mu Rwanda batunguwe n'amagambo ya Sherrie Silver, Umubyinnyi wabigize umwuga watangaje ko atumva ikinyarwanda ndetse ko n'iyo agerageje kugisobanura bimutwara hafi iminsi ibiri kugira ngo yisobanurire interuro imwe.
Aya magambo ya Sherrie Silver yagaragayemo imvugo isa no kwihenura, Aho yanavuze ko abamuha ubutumwa mu rurimi rw'Ikinyarwanda baba bata umwanya w'ubusa kuko ntacyo yumvamo.
Nyuma y'ayo magambo, Abakoresha Imbuga nkoranyambaga bahise basamira hejuru ubu butumwa maze bajya Impaka biratinda, Aho benshi mu bajyaga Impaka bagaragazaga ko uyu mukobwa yakoresheje imvugo yuzuye ubwirasi.
Mu batanze ibitekerezo kuri iyi ngingo(Ubutumwa bwa Sherrie Silver) Harimo n'umuhanzi mu ndirimbo Gakondo, Ruti Joel, wagaragaje ko uyu mukobwa Sherrie Silver nubwo avuga uko ariko ko kuva ari mu Rwanda n'Ururimi rwaho azarwumva uko byagenda kose.
Ruti Joel yagiye mu cyatangajwe(Inkuru) cya kimwe mu binyamakuru byo kuri murandasi cyavugaga iby'iyi nkuru agira ati "Ariko yeeee! Ikinyarwanda uzacyumva uri i Rwanda".
Cyakora n'ubwo bimeze uko, Nyuma yo Kubona ibitekerezo byinshi bimunenga, bamwita umwibone, Sherrie Silver yaje gusobanura ko Amagambo ye yafashwe uko atashakaga kuvuga ko ahubwo yashakaga kugaragaza ko yakira ubutumwa bwinshi bwanditse mu kinyarwanda nyamara atakizi.
Sherrie Silver yavuze ko nubwo ataramenya ikinyarwanda ariko yagerageje kucyiga nubwo bitamukundiye kubera umwanya ko ariko afite Ubwo bushake Kandi atewe ishema no kukimenya, bityo ko Abantu batakamwise umwirasi.
