Umuhanga mu kuvanga imiziki Gateka Esther wamamaye nka Dj Brianne, yacyeje umugore wa Apotre Mutabazi avuga ko abona Ari umugore ukwiye Urugo.
Nyuma y'uko Uwitwa Mutabazi Kabarira Maurice akoze ubukwe n'umukunzi we Beatrice Mukamana, Abantu bagatangira kujora Uyu mufasha we, umuhanga mu kuvanga imiziki Gateka Esther uzwi nka DJ Brianne yagaragaje ko yakunze Uyu mugore wa Apotre Mutabazi.
Ubwo yaganiraga ku mpaka zari zakwirakwiye ku mbuga nkoranyambaga cyane ku bajora umugore wa Apotre Mutabazi, Dj Brianne we yitandukanyije n'abamuvuga nabi avuga ko yabonye afite indangagaciro, umuco, kubaha no kwitwararika".
Ibi byahise bigaragaza ko Dj Brianne yishimiye umugore wa Apotre Mutabazi aho yanavuze ko yabonye ari umugore mwiza kandi uzagira urugo rwiza.
Gucyeza umugore wa Apotre Mutabazi kabarira Maurice Kandi byahise bica intege abari batangiye kwadukira Uyu muryango mushya byumwihariko babinyujije ku mbuga nkoranyambaga zitandukanye, aho bamwe batatinyaga kuvuga ko aba batazarambana.
Ubukwe bwa Beatrice Mukamana na Apotre Mutabazi bwabaye ku wa 08/10/2026 muri Marriot Hotel, Aho umuhango wo gusezerana mu murenge wabereye mu biro by'Umurenge wa Kinyinya Nyuma bagakomereza mu muhango wo gusezerana imbere y'Imana.
Ubukwe bwa Apotre Mutabazi kabarira Maurice byitabiriwe n'abantu bake kuko batari hejuru ya 30, biri mu bindi byavugishije benshi.
