Mu buzima bigusaba guhitamo neza uwo muzabana ubuzima bwawe bwose kandi ukabikora witonze. Muri iyi nkuru tugiye kuburira abagore ndetse n'abakobwa mbere yo guhitamo.
Mu gihe wasanga uwo mwashakanye hari ibyo afite , urasabwa gushaka uko umuhindura.
1. Umugabo uhora abeshya: Niba abeshya ku tuntu duto, azanabeshya ku bintu bikomeye. Icyizere ni yo nkingi y’urugo rwiza. Azatuma uhora umeze nk’umukozi wa RIB, nta mahoro uzagira.
2. Umugabo udashobora kwemera amakosa ye: Nta na rimwe yemera ko yakoze ikosa. Amakosa yose ayashinja uwahoze ari umukunzi we, umuryango we, ubuzima yabayemo akiri muto, amahirwe mabi yagize ndetse nawe ubwawe.
Azakwangiza muburyo bw’amarangamutima bikomeye.
3. Umugabo ugusuzugura iyo arakaye: Kutumvikana bibaho, ariko agasuzuguro ntikagombye kuba ibintu bisanzwe.Niba ahora agutuka, agukoza isoni cyangwa agutera ubwoba igihe cyose arakaye, ubukwe buzabikuba inshuro nyinshi.
4. Umugabo utazi guharanira iterambere rya famille: Si ukuba ari umukire.
Ahubwo Ni ukuba umuntu ufite inshingano. Umugabo usesagura amafaranga kandi ukabona ntacyo aba yitayeho mumikoreshereze y'amafaranga. Uwo ashobora kuzana ibibazo byinshi mu rugo rwanyu.
5. Umugabo uguca inyuma kandi ukabona ntanabyicuza: Amakosa arakorwa, ariko guhemuka kenshi nta kwicuza ni ikimenyetso gikomeye cyo kwitondera. Niba akubabaza akabifata nk’ibisanzwe, ubukwe ntibuzamuhindura mu buryo bw’igitangaza.
6. Umugabo utagira kwifata: Kuba yakwi Controla haba uburakari, inzoga, abagore, urusimbi cyangwa gufata imyanzuro y’akanya gato.Niba atabasha kwifata ngo ibyo byose ntibimukoreshe, umunsi umwe ushobora kuzababazwa n’amahitamo yanze kwitaho.
7. Umugabo usuzugura amarangamutima yawe: Iyo umubwiye ikikubabaje, akubwira ko uri gukabya, ko uri kubyegereza Umutima cyane cyangwa ukomeza ibintu. Kubana n’umuntu uhora ahinyuza ibyo wiyumvamo bituma urugo rwanyu ruhinduka icumbi ry'irungu.
8. Umugabo udashaka gukura mu mitekerereze: Nta muntu utagira amakosa, ariko gukura mu bwenge ni ingenzi.Niba atumva inama, atigira ku makosa kandi yumva azi byose, kubana nawe bishobora kukunaniza mu mutima no mu bitekerezo.
9. Umugabo ushaka kugutandukanya n’abantu bakwitaho: Witondere umugabo ushaka kugutegeka aho kugufata nk’umufatanyabikorwa. Niba ahora ashaka kugutandukanya n’umuryango, inshuti cyangwa abantu bagushyigikira, ibyo si urukundo.
10. Umugabo uguhoza murujijo aho kuguha amahoro: Atuma uhora uhangayitse, urira, utekereza cyane, usabiriza ibisobanuro cyangwa wibaza aho muhagaze mu mubano wanyu. Urukundo ntirwakagombye kumera nk’intambara yo kubaho buri munsi.
Ubukwe ubwabwo buragoye bihagije. Ntukirengagize ibimenyetso bibi wizeye ko urukundo ruzakosora byose. Hari igihe kuba Single biruta gushakana n’umuntu utari ugukwiriye.
