Abasore gusa: Ibintu ukwiriye kwitaho ku mukunzi wawe mu gihe ushaka ko mubana amahoro

Abakobwa bagira umutima woroshye kandi amarangamutima yabo aba hafi cyane kuko bafata kandi bakubaha buri jambo umusore ababwiye. Musore, uko uvuga ijambo ni ko ritanga igisobanuro cy’uko wifuza ko umubano wanyu ugenda.

Hari ubwo ushobora kuvuga ijambo rikamubabaza cyangwa akarifata mu bundi buryo, bikarangira umwe muri mwe abangamiwe n’umubano wanyu.

Dore ibintu ukwiriye kwitaho kugira ngo umubano wawe ugende neza

1. Irinde guhora uvuga ngo “Sinzi”: Ijambo “Sinzi” rikunze kubabaza abakobwa cyane. Urugero nk’iyo akubajije ati: “Uyu munsi ndambara iki?” maze ukamusubiza uti: “Sinzi.” Ibyo bishobora gutuma yumva utamwitayeho cyangwa ko ibyo akubaza nta gaciro ubibona.

2. Ntukamubwire ngo “Simbyitaho”: Kubwira umukunzi wawe ngo “Simbyitaho” ni imvugo mbi ishobora kumubabaza cyane. Nubwo waba warakaye, gerageza kuvuga mu buryo bwubaka aho gukoresha amagambo amuca intege.

3. Irinde kuvuga cyane ku uwo mwahoze mukundana: Kuvuga uwo mwakundanye mbere bishobora gutuma afuha cyangwa akumva ukimuzirikana. Iyo ibiganiro bijyanye n’abahoze mukundana bitangiye, ni byiza guhindura ingingo hakiri kare kugira ngo wirinde amakimbirane.

4. Ntukajye uhora uvuga ku mupira igihe muri kumwe: Hari abakobwa batishimira ko umusore ahora ahugiye ku mupira cyangwa inshuti ze gusa. Gerageza kumuha umwanya uhagije kugira ngo yumve ko na we afite agaciro mu buzima bwawe.

5. Irinde kumubwira ko inshuti ze ari zo nziza cyane
Kubwira umukobwa ko afite inshuti nziza cyane bishobora gutuma atekereza ko ushishikajwe n’abandi kurusha we. Gerageza kumuha we agaciro mbere y’abandi.

6. Jya umubwira amagambo meza: Kubwira umukobwa uti: “Uyu munsi usa neza” bishobora kumunezeza cyane. Amagambo meza yubaka icyizere kandi akomeza urukundo hagati yanyu.

7. Ntukamubaze nabi uti: “Ufite ikihe kibazo?”: Iyi mvugo ishobora kumvikana nabi iyo ivuzwe mu buryo bwo kurakara cyangwa gusuzugura. Ahubwo jya umubaza ikibazo cye mu bwitonzi no mu bwubahane.

8. Ntukamugereranye n’abandi bagore: Kubwira umukunzi wawe ngo “Abandi bagore babigenza gutya” bishobora kumubabaza cyane. Na we ntiyakwishimira kukugereranya n’abandi basore. Gerageza kwemera uko ari no kubaka umubano wanyu mutagereranyijwe n’abandi.

Iyo witwararitse amagambo uvuga n’uburyo uvugana n’umukunzi wawe, umubano urushaho kuba mwiza kandi mukabana mu mahoro no mu bwubahane.

↑↓⬅⬆➡🗑