Patriots BBC yongeye kugera ku mukino wa nyuma wa Kamarampaka ku ikipe igomba guhatanira u Rwanda mu mikino ya BAL 2027 ni nyuma yo gutsinda REG BBC umukino wa gatanu nyuma y'uko amakipe yanganyaga imikino 2-2.
Imikino yagombaga kuba ni umukino wa RSSB Tigers BBC yatwaye BAL 2026 na APR BBC ndetse n'umukino wa PATRIOTS BBC na REG BBC. Aya makipe yose yanganya intsinzi ebyiri kuri ebyiri, aribyo byatumye hitabazwa umukino wa gatanu.
Umukino wa mbere wahuje PATRIOTS BBC na REG BBC watangiye ku isaha ya saa moya z'ijoro (19H00). Ni Umukino watangiye ubona buri kipe ifite inyota yo kugera ku mukino wa nyuma.
Agace ka mbere karangiye amakipe yegeranye harimo ikinyuranyo cy'inota rimwe (Patriots BBC 22-21 REG BBC)Mu gace ka kabiri byakomeje ubona amakipe arimo kugenda yegerana cyane.
Bavuye kuruhuka,RarG yagarukanye imbaraga nyinshi ishaka gukuramo amanota abiri bayirushaga,maze biza kuyikundira maze itsinda aka gace ka gatatu k'umanota 24-21 ya Patriots BBC.
Mu gace ka kane ari nako ka nyuma,byaje guhinduka, kuko Patriots BBC yakosoye amakosa yari yakoze mu gace ka gatatu maze birangira itsinze aka gace ka kane k'umanota 19-14 ya REG BBC.
Umukino urangira ku ntsinzi ya PATRIOTS BBC y'amanota 83-79 REG BBC ihita ibona itike yo kugera ku mukino wa nyuma aho itegereje igomba gutsinda hagati ya APR BBC na RSSB Tigers BBC.
Umukinnyi wa Patriots BBC DAMARIA FRANKLIN niwe watsinze amanota menshi 24.Patriots BBC itegereje itsinda hagati ya APR BBC na RSSB Tigers BBC bizahura ku mukino wa nyuma, mu gihe REG BBC nayo itegereje igomba gutsindwa bazahatanira umwanya wa gatatu.
