North West w'imyaka 13 y'amavuko, yakoze amateka aririmba bwa Mbere mu gitaramo cyitabiriwe n'ababyeyi be bombi kabone n'ubwo batandukanye.
Kanye West na Kim Kardashian bari mu bihumbi by'abari bashyigikiye North West wakoze igitaramo cye cya Mbere aririmba indirimbo itari yasohoka.
Kanye West wamamaye mu myidagaduro ya Amerika by'umwihariko muri muzika y'injyana ya Hip Hop na Kim Kardashian wamamaye mu mideri, n'ubwo batari bari kumwe, bombi bagaragaye mu gitaramo cyabaye mu ijoro mu Mugi wa Chicago ahasanzwe hareberwa Filime.
Nk'uko amashusho yashyizwe hanze n'abafana abigaragaza , Kim Kardashian na Kanye West bakurikiye icyo gitaramo bategeranye na cyane ko batandukanye aho buri wese yakomeje guhangana no kubaka ubuzima bwe n'abandi.
North West, yaririmbye indirimbo ziri kuri Ep ye yise 'North4ever' yasohotse muri Gicurasi. Ni EP iriho indirimbo nka 'Piercing on my hand, Woah n'izindi.
North West kandi yaririmbye indirimbo ya Se 'Coldest Winter' yasohotse muri 2008.
