Kiyovu Sports Club yasinyishe umutoza mushya Mark Simon Harrison ukomaka mu gihugu cy'ubwongereza uje asimbura Haringingo wagiye muri Rayon Sports Fc Shampiyona itararangiye.
Umutoza mushya wa Kiyovu Sports Club yatangije imyitozo ye ya mbere nyuma yo kugirwa umutoza mukuru wa Kiyovu Sports Club Yageze mu Rwanda mu ijoro ryo ku wa mbere tariki 10 Kanama 2026 aho yakiriwe n'abayobozi ndetse n'abakunzi bayo bari bayobowe na Minani Hemed umuvugizi wa Kiyovu Sports Club ndetse akaba n'Umuyobozi w'abakunzi ba Kiyovu Sports Club ku Rwego rw'Igihugu.
Umutoza Mark Simon Harrosn akomoka mu gihugu cy'ubwongereza.
Mark Harrosn yavukiye mu bwongereza tariki 10 Ukuboza 1960 bivuze ko afite imyaka 66 kuko azayuzuza mu kwezi kwa cumi n'abiri.
Yakinnye mu ikipe ya Southampton Aho yari umuzamu
Nyuma yakomereje mu ikipe ya Port Vale, Stoke City aho yasoreje gukina mu ikipe ya Hallenic, yakinnye imikino 233 kuva mu mwaka 1977 kugeza mu 1989.
Yatangiye umwuga wo gutoza mu mwaka wa 2000 nibwo yatangiye gutoza amakipe y'ibihugu yo muri Aziya n'Afurika. Aho Aho yatoje ikipe y'igihugu ya Bangladesh...
Akaba afite impamabumenyi mu gutoza yo mu bihugu
by'iburayi (Licence A)
Mark Simon Harrison ntabwo ari mushya muri Afurika kuko yahamaze imyaka itandatu atoza ndetse aba n'umuyobozi wa tekinike mu makipe atandukanye. Amakipe yatoje muri Afurika harimo Fortune,Hurriya,
Mpumalanga Black Aces, Afurika Warriors,Bay Stars, Chippa United, Golden Arrows, CAPS United na Township Rollers muri 2015-2016 ku gikombe cya shampiyona ya Botswana ku mukino wa nyuma w'igikombe cya Mascom Top 8 mbere y'uko agirwa Umuyobozi wa Tekinike ya Baroka muri Afurika y'epfo.
Muri Nyakanga 2017, yinjiye mu ikipe ya Zimbabwe Premier Soccer League Harare City nk'umuyobozi wa tekiniki.
Harare yatwaye igikombe cya Zimbabwe mu 2017 itsinze How Mine ibitego 3-1.
Mu 2018, yabaye umutoza w'iyi kipe maze yifatanya n'umuhungu we Ryan Harrison, winjiye muri iyi kipe nk'umunyezamu.
Ku ya 8 Mutarama 2020, yagizwe umutoza mukuru wa Highlanders yo muri Zimbabwe Premier Soccer League ku masezerano y'imyaka ibiri.
Ku ya 1 Kanama 2021, Harrison yagizwe umutoza mu ikipe ya Gor Mahia yo muri Kenya. Yagerageje gushyira mu ikipe uburyo bwo gusatira.
Yatandukanye nayo ku ya 29 Mutarama 2022.
Ku ya 27 Nzeri 2022, Harrison yagizwe umuyobozi wa tekiniki mu ikipe ya Mighty Wanderers yo muri Super League of Malawi ku masezerano y'imyaka ibiri.
ikipe yari inyuma y'ikipe ya Nyasa Big Bullets yayoboye shampiyona amanota 15 ubwo yahabwaga inshingano.
Yavuye muri iyi kipe nyuma yo kurangiza ari uwa gatatu muri shampiyona ya 2023 Super League of Malawi, ahita asubira mu Bwongereza.
Mark Harrison wagiye gutoza Kiyovu Sports Club asimbuye Haringingo Francis Christian wagiye gutoza Rayon Sports Club
Kuva Haringingo yava muri Kiyovu Sports Club, ntabwo yigeze ishaka undi mutoza mukuru ahubwo inshingano zasigaranye Sebarera Ayubu Khaliru wari usanzwe ari umutoza wongerera imbaraga.
Mark Harrison azungirizwa na Rubangura Omar wahoze muri Rutsiro FC wamaze kwerekeza muri Kiyovu Sports Club ndetse na Sebarera Ayubu Khaliru wongerera ingufu wongereye amasezerano batazira ‘Urucaca’.
