Patriots BBC na REG BBC zaraye zitwaye neza,mu mikino zakinnye,aho Patriots BBC yakinaga umukino wayo wa nyuma wa Shampiyona,ikaba yaraye yitwaye neza itsinda APR BBC ndetse na REG BBC yongera gutsinda RSSB Tiger BBC.
Mu ijoro ryakeye tariki 17 Nyakanga 2026 muri BK Arena haberaga ibirori mu mukino wa Basketball aho amakipe ahatanira kuzakina imikino ya kamarampaka muri uyu mwaka w'imikino 2026. Patriots BBC yari ku mwanya wa kabiri yakinaga na APR BBC yari ku mwanya wa Mbere mu gihe RSSB Tiger BBC yari ku mwanya wa Kane yakinaga na REG BBC yari ku mwanya wa gatatu. Iyi mikino yari imikino abakunzi ba Basketball bari bategereje kugira ngo barebe uko amakipe yabo yitwara.
Patriots BBC yashakaga gukomeza intsinzi kuko mbere yo gukina uyu mukino yarimaze gutsinda imikino 9 yashakaga gutsinda umukino wa 10 ndetse yashakaga nayo gutsinda APR BBC kuko umukino wa mbere APR BBC yari yatsinze Patriots BBC amanota 78-75. Mu gihe REG BBC yari yatsinze RSSB Tiger BBC 55-69 mu gihe abantu bumvaga ko RSSB Tiger BBC yashoboraga nayo kwigaranzura REG BBC kuri uyu mukino.
Umukino wa Mbere wabanje REG BBC yongeye kwitara neza imbere ya RSSB Tiger BBC kuko nyuma yo kuyitsinda mu mukino ubanza yongeye kuyisubira iyitsinda amanota 102-86.
Kugeza ubu RSSB Tiger yagumye ku mwanya wa 4 mu gihe REG BBC nubwo yatsinze yagumye ku mwanya wa gatatu. Undi mukino nawo warutegetejwe n'abantu bantu n'umukino wahuje Patriots BBC na APR BBC. Uyu mukino ntabwo wari woroshye ku mpande zombi kuko n'amakipe abiri yahataniraga umwanya wa mbere, kuko n'ubwo APR BBC yari ku mwanya wa mbere yanganyaga amanota na Patriots BBC gusa ikayiza imbere kubera ibitego yayirishuga.
Umukino watangiye Patriots BBC irimbere cyane, kuko yatanze APR BBC kwinjira mu mukino. kuko yageze ku manota 11 APR BBC ifite 0. Gusa uko umukino wagiye ugenda,APR BBC yagiye yinjira mu mukino maze bajya kuruhuka Patriots BBC iyoboye n'amanota 38-30.
Mu kugaruka bavuye mu kiruhuko, amakipe yakomeje kuza, akomeze guhangana gusa umukino uza kurangira Patriots BBC itsinze umukino k'umanota 69-67. Maze Patriots BBC ihita ifata umwanya wa mbere byagateganyo. APR BBC ikaba isigaje umukino umwe kugira ngo irangize imikino yayo yose ya Shampiyona.
Kugeza ubu Patriots BBC niyo ya mbere byagateganyo aho irusha inota rimwe APR BBC,gusa ikigarara n'uko APR BBC ifite amahirwe yo kurangiza iri ku mwanya wa mbere. Kuko igihe yatsinda umukino isigaje cyangwa se ikanga yahita iba iya mbere, kuko inganyije yahita inganya amanota na Patriots BBC ariko ikaba iya mbere kuko mu mikino ibiri yazihuje APR yatsinze umukino wa mbere amanota 78-75 mu gihe Patriots BBC yatsinze 69-67 bivuze ko APR BBC yahita ijya imbere kubera ikinyuranyo cy'igitego kimwe.
