Abanyamuryango b’Ishyaka ry’Abarepubulikani muri Leta ya
Texas muri Leta Zunze Ubumwe za Amerika bari mu matora akomeye agamije guhitamo
umukandida uzabahagararira mu matora rusange ateganyijwe mu Ugushyingo 2026.
Aya matora ahuje Senateri usanzwe ahagarariye Texas, John
Cornyn, n’Intumwa Nkuru ya Leta (Attorney General), Ken Paxton.
Uzatsinda ni we uzahagararira Abarepubulike mu guhatana n’umukandida
w’Abademokarate, James Talarico, mu matora rusange yo mu Ugushyingo.
Ubushakashatsi butandukanye bwakozwe mbere y’aya matora
bwerekana ko Ken Paxton afite amahirwe menshi yo gutsinda muri aya matora
y’imbere mu ishyaka, cyane cyane nyuma yo gushyigikirwa na Perezida wa Amerika,
Donald Trump.
Nubwo Texas isanzwe ifatwa nk’agace kiganjemo Abarepubulike,
bamwe mu basesenguzi bavuga ko James Talarico ashobora kuzakora ihangana
rikomeye mu matora rusange, cyane ko amaze gukusanya inkunga nyinshi kandi
akomeje kuzamura icyizere mu baturage hagati ndetse n’abadashyigikiye amashyaka
ku buryo bweruye.
Ibyavuye muri aya matora y’imbere mu ishyaka ry’Abarepubulike
bishobora kugira uruhare rukomeye mu kugena uko irushanwa rya Sena ya Texas
rizagenda mu mezi ari imbere, ndetse bikagira ingaruka ku rugamba rwo kugenzura
Inteko Ishinga Amategeko ya Amerika.
