Umuhanzi mu ndirimbo zo kuramya no guhimbaza Imana Biggy Shalom, yemeza ko amateka ya Jenoside yakorewe abatutsi mu 1994, ari isomo rikomeye Abanyarwanda n’Isi bazahora biga kugira ngo bitazongera kubaho ukundi.
muhanzi mu ndirimbo zo kuramya no guhimbaza Imana
Biggy Shalom, yemeza ko amateka ya Jenoside yakorewe abatutsi mu 1994, ari
isomo rikomeye Abanyarwanda n’Isi bazahora biga kugira ngo bitazongera kubaho
ukundi.
Mu kiganiro na Umunsi.com Biggy Shalom yumvikanishije
ko Jenoside yakorewe abatutsi mu 1994, yabaye amahanga arebera kugeza abarenga
Miliyoni bose bishwe bityo ari isomo bize nyuma y’ayo mahano yabaye.
Ku Banyarwanda bigashimangira ko amahano yabaye
agatwara ubuzima bw’abari bafitiye Igihugu akamaro n’abari kuzakagira ari
igihombo gikomeye n’isomo ryo kutazemera ko byakongera kubaho ukundi mu Rwanda.
Big Shalom yagize ati:”Amateka ya Jenoside ni isomo
Abanyarwanda ndetse n’Isi muri rusange tuzahora iteka twiga. Kubw’ibyo ni
inshingano ya buri mu ‘Jeune’ wese kwibuka ndetse no kuzirikana abacu bazize
Jenoside yakorewe abatutsi mu 1994. Tukibuka twiyubaka twigira ku mateka twubaka ahazaza h’u Rwanda”.
Mu gihe cyo kwibuka Jenoside yakorewe abatutsi
urubyiruko by’umwihariko baba basabwa kwitabira ibiganiro kugira ngo bumve
kandi bamenye amatake yaranze Jenoside.
Ubu butumwa bwa Biggy Shalom kandi bushimangira ko
uruhare rw’urubyiruko mu gushishikariza Isi kwibuka no guharanira ko Jenoside yabaye
itazasubira ruhari , ndetse ko hari n’aho urubyiruko rw’u Rwanda rumaze kugera
mu myumvire bityo ko hageze ngo buri wese yumve ko akwiriye kurwanya
ingengabitekerezo ya Jenoside aho iva ikagera.
Mu biganiro bitandukanye haba ibitangirwa kuri Televiziyo
, Radiyo n’ahandi, bagaruka ku ruhare rw’urubyiruko mu kurwanya
ingengabitekerezo hakoreshejwe imbuga nkoranyambaga nk’umwe mu miyoboro
ikoreshwa cyane n’abapfobya.
