Mohammad Baqer Qalibaf yagaragaje ko amakimbirane ari hagati ya Iran na United States ashobora gushyira mu kaga ubuzima bw’Abanyamerika, anenga ibyemezo bya Perezida Donald Trump.
Mohammad Baqer Qalibaf yagaragaje ko amakimbirane ari hagati ya Iran na United States ashobora gushyira mu kaga ubuzima bw’Abanyamerika, anenga ibyemezo bya Perezida Donald Trump.
Ibi yabivuze ku wa 6 Mata 2026, asubiza amagambo ya Trump wari watangaje ko Iran igomba gufungura inzira ya Strait of Hormuz bitarenze igihe ntarengwa, bitaba ibyo Amerika ikagaba ibitero ku bikorwaremezo byayo birimo inganda z’ingufu.
Mu butumwa bwe, Qalibaf yavuze ko ibyo Trump arimo ari “ugukina n’umuriro”, kuko bishobora gushyira mu kaga atari Iran gusa, ahubwo n’Amerika ndetse n’akarere kose. Yanongeyeho ko gukomeza gukurikiza umurongo wa Benjamin Netanyahu bishobora gutuma ibintu birushaho kuzamba.
Yagize ati nta nyungu iri mu ntambara, ashimangira ko ibikorwa nk’ibi bishobora kugira ingaruka zikomeye ku baturage b’ibihugu byombi.
Aya makimbirane yongereye ubukana nyuma y’uko Iran ifunze inzira ya Hormuz kuva ku wa 28 Gashyantare 2026. Iyi nzira ifite akamaro kanini ku Isi kuko inyuzwamo hafi 20% by’ibikomoka kuri peteroli ikoreshwa ku rwego mpuzamahanga.
Ifungwa ry’iyi nzira ryagize ingaruka ku bihugu byinshi, harimo n’Rwanda, aho ibiciro by’ibikomoka kuri peteroli byazamutse ku buryo bugaragara, bigira ingaruka ku buzima bwa buri munsi bw’abaturage.
Ibi byose bigaragaza uburyo amakimbirane mpuzamahanga ashobora kugira ingaruka ku Isi yose, cyane cyane mu bijyanye n’ubukungu n’imibereho y’abaturage.
