Umutoza w’Ikipe y’Igihugu y’u Rwanda ‘Amavubi’, Stephen Constantine, yagaragaje ko kuba Cap-Vert yaragaragaje urwego rwiza mu Gikombe cy’Isi cya 2026, bitamuteye ubwoba bwo kuyikuraho amanota mu mikino yo gushaka itike y’Igikombe cya Afurika.
Ibi yabitangaje ku Cyumweru, tariki ya 27 Nzeri 2026, nyuma y’imyitozo ya mbere y’Ikipe y’Igihugu y’u Rwanda, iri kwitegura umukino wa kabiri mu Itsinda K ryo gushaka itike yo kujya mu Gikombe cya Afurika kizabera muri Kenya, Uganda na Tanzania.
Stephen Constantine yavuze ko abakinnyi be bagize umunaniro ukomeye kubera urugendo bakoze nyuma y’umukino batsinzemo Liberia ibitego 3-1 kuri Stade Amahoro, ariko bamaze kuruhuka bari kwitegura umukino.
Ati “Twakoze urugendo rutoroshye rw’amasaha 18 yagize ahantu kure. Gusa abahungu bararuhutse kandi urabona ko bafite inyota yo gushaka intsinzi.”
Uyu Mwongereza yongeyeho ko kuba Cap-Vert yaritabiriye Igikombe cy’Isi cyabereye muri Leta Zunze Ubumwe za Amerika, Mexique na Canada ikaviramo muri 1/16, bitamuhangayikishije kuko amarushanwa atandukanye.
Ati “Cap-Vert yahagarariye Afurika mu buryo bwiza bwose bushoboka, igira imikino myiza mu Gikombe cy’Isi. Gusa ibyo turimo ubu biratandukanye ni Igikombe cya Afurika, twaje hano hari icyo tuje gukura mu mukino.”
“Yaba ikibuga cyangwa igihugu biratandukanye, gusa twe turasabwa kumenyera tugakina. Ndizera ko intsinzi izaboneka.”
Amavubi afite amanota atatu azakina na Cap-Vert yatsinzwe na Mali mu mukino uheruka. Amakipe yombi azakinira kuri Estádio Nacional de Cabo Verde, ku wa Kabiri, tariki ya 29 Nzeri 2026.
