U Rwanda na Amerika byasinye amasezerano

U Rwanda rwasinyanye amasezerano y’ubufatanye na Leta Zunze Ubumwe za Amerika y’ibijyanye n’ikoreshwa ry’ingufu za nucléaire.

Ni amasezerano ku ruhande rw’u Rwanda yasinywe n’Umunyamabanga wa Leta muri Minisiteri y’Ububanyi n’Amahanga, Dr. Usta Kaitesi hamwe Renee Sonderman, Umunyamabanga w’Agateganyo wungirije mu Biro bishinzwe kugenzura intwaro, ingaruka zazo n’imikoreshereze yazo mu Biro bishinzwe Ububanyi n’Amahanga bya Leta Zunze Ubumwe za Amerika.

Aya masezerano y’ubufatanye arimo ingingo zishingiye ku gutanga ubumenyi ku banyeshuri b’Abanyarwanda bajya kwiga muri Amerika mu bijyanye n’ingufu za nucléaire, gutera inkunga ibikorwa bijyanye n’imishinga ya nucléaire n’izindi ngingo.