Nyuma y'imvura nyinshi yaguye mu Murwa mukuru wa Angola , Luanda, uumubare w’abahitanywe n’umwuzure ukomeje kwiyongera nk’uko byatangajwe n’ibinyamakuru mpuzamahanga birimo na BBC.
Nyuma y'imvura nyinshi yaguye mu Murwa mukuru wa
Angola , Luanda, uumubare w’abahitanywe n’umwuzure ukomeje kwiyongera nk’uko
byatangajwe n’ibinyamakuru mpuzamahanga birimo na BBC.
Inzego z’ubutabazi bwihuse, zatangaje ko abagera kuri
39 bamaze kuhasiga ubuzima biganjemo abo mu Mugi wa Benguela naho abanda bagera
kuri ku 51,000 bagirwaho ingaruka.
Iyo mvura kandi yangije ibikorwaremezo birimo;
imihanda, imigezi, amazu , ibiraro , ama-poto y’amashanyarazi, ibiti bisanzwe
bigwa mu muhanda ndetse n’ibindi , byakomeje kwangiza ubuhahirane hagati y’Umugi
wa Benguela n’Intara ya Huambo.
João Lourenço, perezida wa Angola yihanganishije
ababuriye ababo muri uwo mwuzure, avuga ko Leta yakomeje gushaka uko yatabara
mu maguru mashya kuva icyo cyago cyabagwirira, aho bahaye ubuvuzi n’ibikoresho
by’ingenzi abagizweho ingaruka.
Mu Mugi wa Benguela ubuyobozi buvuga ko abantu 26
bamaze gupfa abanda 4 bakaburirwa irengero mu gihe mu Ntara ya Luanda ibarizwamo
Umurwa Mukuru, abagera kuri 13 bamaze gupfa naho abanda batanu bakaba baburiwe
irengero.
Ibinyamakuru byatangaje ko mu Ntara ya Guanza-sul na
Malanje hamaze gupfa abantu batandatu n’abandi bakaba bamaze guta ibyabo
bahunga urupfu.
Perezid awa Angola yavuze ko amashuri , imihanda ,
inzu z’abantu n’ibindi byangiritse kandi ko baratanga ubutabazi n’ubufasha by’ibanze
ku miryango yagizweho ingaruka.
Imvura nyinshi igwa mu bihe by’imvura ntabwo ikintu
gishya muri Afurika y’Amajyepfo by’umwihariko mu Bihugu bituranyi bya Angola
nka Namibia na Zambia kuko nabyo byagiye bihura n’ibiza mu myaka yatambutse
kubera imvura nyinshi.
Mu mwaka wa 2023, abantu barenga 30 barapfuye abandi
bagera ku 116,000 bagirwaho ingaruka nabyo muri Angola.
