Vanessa Trump wahoze ari umugore wa Donald Trump Jr,
akaba n’umubyeyi w’abana batanu (5), ku wa Gatatu tariki 20 Gicurasi 2026 , yatangaje
ko yasuzumwe agasangwamo kanseri y’ibere.
Yagize ati:”N’ubwo aya atari amakuru buri wese yari
ategereje ndimo gukorana bya hafi n’abaganga bange kugira ngo turebere hamwe
uburyo bazamfashe”.
Yongereweho ko mu ntangiriro z’iki cyumweru ari bwo
yasuzumwe ndetse agasabwa kwiheza kugira ngo akomeze yite ku buzima bwe.
“Nkomeje kwitwararika niyitaho kandi nzengurutswe n’urukundo
n’ubufasha by’umuryango wange , abana ndetse n’abandi bandi iruhande. Mwarakoze
mwese ku bwo ku nkunda no kunyereka urukundo byose bituma nkomera”.
Vanessa Trump n’umuhungu wa Donald Trump w’imfura
Donald Trump Jr, bahanye gatanya muri 2018 nyuma y’imyaka 12 yari ishize babana
nk’umugabo n’umugore.
Bombi bafitanye abana 5 barimo Kai Trump w’imyaka 19
umaze kwigarurira benshi ku mbuga nkoranyambaga zitandukanye.
Vanessa Trump, yari amaze igihe akundana na Tiger Woods
ndetse n’urukundo rwabo bakaba bararushyize hanze muri Werurwe uyu mwaka.
Umukobwa mukuru wa Donald Trump Ivanka Trump yanditse (Comment)
kuri Post ya Vanessa Trump , avuga ngo “Ndagusengera ukire vuba. Turagukunda
mama”.
