Nta gihe kinini gishize , Zuchu atangaje ko yatandukanye na Diamond Platnumz ubundi akajya kwita ku buzima bwe bwite ndetse no ku mpano ye yo kuririmba muri rusange.
Nyuma yo gutangaza ibi ariko ntavuge impamvu nyamukuru yatumye yikure aho yaryamaga benshi batangiye kuzihimba.
Ni urukundo bombi bari bamaranyemo imyaka itandatu mu ibanga kuko nta bukwe bweruye bwakozwe cyangwa ngo bajye gusura ababyeyi ku mpande zombi.
Nk'uko byatangajwe na Carry Mastory umaze kumenyekana muri Tanzania ngo Zuchu yatandukanye n'umugabo we bapfuye gucana inyuma aho Zuchu yemeza ko ngo yabonye 'message' za Diamond Platnumz n'umukozi wo mu rugo ikinyamakuru cyo muri Tanzania dukesha iyi nkuru cyabitangaje.
Carry Mastory avuga ko uwo mukozi wo mu rugo kwa Simba yakunze ku musaba amafaranga maze undi akayamuha atazuyaje ibintu byateje umutima mubi kuri Zuchu na nyuma yo kubona ko hari ibiganiro bagirana.
Zuchu kandi ngo yabonye ubutumwa bwa Simba , umukozi wo mu rugo amushimira ku gikorwa cyo mu buriri amubwira ko ngo byari byiza.
Nyuma y'aho ayo makuru agiriye hanze , yaba Diamond Platnumz cyangwa Zuchu nta n'umwe wari wagira icyo ayavugaho icyakora ngo biri mu byashenguye umutima wa Zuchu agafata umwanzuro wo kugenda undi na we nta mwinginge.
Mu butumwa buheruka Zuchu wamamaye mu ndirimbo nka 'Sukari' n'izindi. N'ubwo ari uko yatangaje kandi Baba Levo uri hafi ya Diamond Platnumz we yari yatangaje ko impamvu Zuchu yari amaze igihe atagaragara hamwe na Diamond ari uko yari arimo kwitegura kubyara ndetse no mu byo Zuchu yavuze ntiyahakanye ko yabyaye.
