Umuhanzi Nyarwanda Bigwi Gold umaze kwigarurira imitima ya benshi kubera
impano ye, yashyize hanze amashusho yindirimbo yise ‘GUDO’ yahimbye afatiye ku
rurimi rwo muri Nigeria.
Ni indirimbo Gold Bigwi avuga ko yakomotse ku kuba yari
amaze igihe abona abantu birengagiza impano ye mu bikorwa bitandukanye bityo
agashaka kubabwira ko impano ye ariyo muyobozi kandi ko adateze kuyifasha hasi.
Mu kiganiro Bigwi Gold yagira na Umunsi.com, yagize ati:”Iyi
ndirimbo GUDO nayihaye iri zina ndikuye mu rurimi rwo muri Nigeria, ariko
risobanuye ‘Umuyobozi’. Ni izina natekereje nshaka kugaragaza ko impano yanjye
ari we muyobozi wange kandi ko ntateze kuyifasha hasi”.
Yakomeje agira ati:”Urabona , hari abantu maze iminsi
mbona, bategura ibintu kandi mbona nagashyizwemo ariko kubera ko ntabaguriye
cyangwa ngo mbe ndi wa muntu usangira nabo, bakanga ngo ngaragaramo. Abo baba
bagamije kunsha intege ariko nanditse ‘Gudo’ ngaragaza ko uko byagenda kose
ntazahagarara”.
Bigwi Gold wagiye agaragara mu ndirimbo nyinshi zishimangira
impano ye, ni umwe mu Basore bo mu Karere ka Rubavu berekana ko umuziki awushoboye
nk’uko na we adahwema kubigaragaza binyuze mu bikorwa.
Mu karere ka Rubavu
hari hamwe mu habarizwa ibitaramo bitandukanye n’amarushanwa agamije
guteza imbere impano z’abantu batandukanye babikwiriye gusa ngo bikaba
byaramaze guhindura umuvuno ibintu basangamo ikibazo gikomeye cyo kuzamenya
ufite impano nyakuri ngo abe ari we ufashwa.
Muri ayo mashusho y'indirimbo ‘Gudo’ hagaragaramo
umuraperi HAJP.
Bigwi Gold yamenyekanye mu ndirimbo zirimo Goroba, Nsanga, Wowe, Shoti,Patina yafatanyije na Apple Gold, You , Feza, Mbwira, Ruhuka imaze amezi 4 kuri YouTube no kuzindi mbuga zicuruza umuziki, Asifiwe imaze amezi 10 , Modo n'izindi zitandukanye.
GUDO, mu buryo bw'amajwi yakozwe na Rog b Beatz mu gihe mu buryo bw'amashusho yakozwe kandi ikanayoborwa na Big Deal afashijwe na Juscare Empo.
