Umuhanzi Nyarwanda akaba n’umunyamakuru Nyarwaya Innocent wamamaye nka Yago , akomeje gutangaza ko Bruce Melodie ashaka kumufata kunda asibisha youTube channel ye yaruhiye imyaka myinshi amaze mu mwuga.
Yago amaze iminsi avuga kuri Bruce Melodie , ndetse anashimangira ko hari zimwe mu ndirimbo yakoze (Bruce), zitujuje uburerembonera gihugu asaba ko zakorwaho iperereza zigasibwa gusa ibye bikomeje kuba akawa mugani ngo ‘Urucira muka so, rugatwara Nyoko’.
Muri uko kuvuga ibyo mu mashusho yagiye anyuza ku mbuga nkoranyambaga ze, Yago yagiye ananyuzamo agacuranga izo ndirimbo ‘Bruce Melodie’ hagati mu kiganiro arimo kuzumvisha abakunzi be.
Nk’uko YouTube ikora iyo , umuntu akoresheje indirimbo y’undi muntu cyangwa ifoto ye , uwo muntu aba afite uburenganzira bwose bwo kubwira YouTube ko ashaka ko ikurwa mu kiganiro cy’uwo muntu ku neza cyangwa ku nabi, byanarimba YouTube Channel ikaba yasibwa batitaye ku mbaraga washyizemo.
Ubutumwa bwa mbere bwa Yago yabwanditse agira ati:”Amakuru mashya: Bruce Melodie na Team ye bamaze kohereza ‘Copyright strike 2’ barashaka gusiba channel ya Yago TV Show. Ni mubura YAGO TV kuri murandasi (Online), mumenye ko icyo yaharaniye kuva kera na Team ye bakigezeho. Ariko se bazatsinda ? (…..)”.
Nyuma y’ubwo butumwa Yago yakirijwe ibitutsi by’abantu bamubwiye ko amaze kurambirana bagaragaza ko amatiku ye ngo bayahaze. Ibyo ntibyahagaze kuko yahise yongera gushyira hanze ubundi butumwa busa n’ubwagiriyeho rimwe na none kuri Copyright avuga yatewe na Bruce Melodie ngo muhaye 2.
Kugeza ubu yaba Bruce Melodie cyangwa abamureberera inyungu nta n’umwe wari wasubiza Yago kuri ibyo birego akomeje kumushinja.
Bruce Melodie yaherukaga gushyira hanze ubutumwa avuga ku ndirimbo ye ariko benshi bahita bavuga ko ashobora kuba yarasubizaga YAGO nubwo atari yeruye.
