Manchester United yatsinzwe na Manchester City y’abakinnyi 10 mu mukino wo ku munsi wa 4 wa Shampiyona y’u Bwongereza wakinwe kuri iki Cyumweru saa Kumi n'Imwe n’iminota 30 kuri Old Trafford.
Umukino watangiye amakipe yombi akina yigana ariko Manchester City ikagaragaza inyota yo kugera imbere y’izamu cyane. Hari aho Marcus Rashford wa Manchester United yateye kufura neza ariko iragenda ikubita igiti cy’izamu.
Ku munota wa 23 Phil Foden yabonye ikarita y’umutuku ku ikosa yari akoreye Bruno Fernandes. Nyuma y’uko abakinnyi ba Manchester City babaye 10 mu kibuga, Manchester United yahise itangira kwiharira umukino ari na ko igera imbere y’izamu ariko igice cya mbere kirangira amakipe yombi anganya 0-0.
Ubwo igice cya kabiri cyari kimaze iminota micye gitangiye, Manchester United yashoboraga kubona igitego ku ishoti ryarekuwe na Kobbie Mainoo ari inyuma y’urubuga rw’amahina, ariko ryakubise igiti cy’izamu.
Ku munota wa 60 Manchester City yafunguye amazamu ku gitego cya Erling Haaland. Manchester City yakomeje gusatira ndetse hari n'aho yashoboraga kubona igitego cya kabiri ku ishoti ryarekuwe na Enzo Fernandez ariko rikubita igiti cy’izamu.
Umukino warangiye Manchester City y’abakinnyi 10 itsinze Manchester United igitego 1-0 ihita ijya ku mwanya wa kabiri n’amanota 12. Ni mu gihe Manchester United yo iri ku mwanya wa 13 n’amanota 7.
