Nyakwigendera Dolly Parton wamamaye mu ndirimbo zitandukanye zirimo niyo yise 'Coat of Many colors ' , yamenyekanye cyane nanone kubwo kuvugira abaryamana bahuje ibitsina ibintu bivumirwa kugahera n'abantu benshi ndetse bikamaganwa cyane n'ubwo hari ababiha umuryango bakabicumbikira nk'uko Dolly Parton yabikoze.
Mu magambo ye Dolly Parton yaragize ati:"Niba uri umutinganyi , uri umutinganyi. Niba kandi utabikora ukaba ukunda abo mudahuje , nyine ubwo ntabwo ubakunda. Kandi rero ubwo ukwiriye kwemerwa kumera uko nguko wahisemo". Mu mwaka wa 2005, Dolly Parton yanditse indirimbo yise 'Travelling Thru' , muri iyo ndirimbo kandi Dolly Parton yashakaga kugaragaza ko yifuza guhindura ibitekerezo by'abantu.
Iyo ndirimbo yakoreshejwe no muri Filime , yarimo ubutumwa bw'uko, igihangano gishobora guhindura ibitekerezo bya rubanda , ndetse igashimangira ko ari ingenzi kuba uwo uri we. Muri 2011 , Dolly Parton yasabye imbabazi abatinganyi babiri basabwe guhindura umwambaro bari basanishije ubwo bari muri Dollywood ya Dolly Parton.
Mu mwaka wa 2016 nabwo , Dolly Parton, yavuze amagambo ashimangira umubano we n'ubufasha yiyemeje guha abaryamana bahuje ibitsina ubwo yagiraga ati:"Ndatekereza ko buri wese akwiriye kubahwa (.....). Ndatekereza ko buri wese agira amahirwe yo kuba uwo ari we Ndabizi ko niba nshaka kwibohora ngomba kujya kwibohora. Nabwo nita kuho ari ho cyangwa ikindi cyose.
2014 agaruka ku baryamana bahuje ibitsina ku kinyamakuru Billboard yagize ati:"Batekereza ko mbakunda (Abaryamana bahuje ibitsina), kandi ngo ndanabemera nk'uko mbikorera abandi. Nanyuze muri byinshi kugira ngo nemerwe kandi numvwe. Ndatekereza ko buri wese yari akwiriye kwemerwa kuko ari n'uwo ari we n'uwo akunda. Si ntekereza ako twakabaye abacamanza. Mana yange , mfite ibibazo byinshi ku bwange kuburyo ntatsinda urubanza"..
Mu mwaka wa 2014 , Dolly Parton yabwiye Ikinyamakuru Pride Source ngo "Sindi umutinganyi , ariko nubwo naribube ndiwe ninge wari busohoke mbere".
Mu buryo bweruye ko ashyigikiye abatinganyi, Dolly Parton muri 2014 , yaratangaje ati:"Njye ntekereza ko abatinganyi bakwiriye kwemererwa gushyingiranwa. Barahangayika nkatwe twese abaryamana n'abo tudahuje".
Mu mwaka wa 2024 Dolly Parton yareruye kandi avuga ko afite abaryamana bahuje ibitsina, abihinduje imibiri ,.... mu muryango we kandi ko yishimira kuba ari kumwe n'abo.
