Kimenyi na Muyanga nta mitungo bafite yo kugabana ! Byinshi ku rubanza rwabo

Nk’uko amakuru dukesha ikinyamakuru Igihe abivuga, Miss Muyango Claudine na Kimenyi Yves bamaze kwemeranya gutandukana mu bwumvikane ndetse banakoranye inyandiko  yasinyweho na noteri.

Muri ayo masezerano y’ubutake bagiranye mu bwumvikane impande zombi zasinyeho imbere y’ababahagarariye mu mategeko  na noteri igihe (isooko), ivuga ko ifitiye Kopi, bigaragara ko nta mitungo bafite bacanye ndetse ko nta n’amadeni basangiye kuburyo bayigabana bityo ubwo butane akaba nta ngaruka bwabagiraho mu bijyanye n’imitungo.

Uwahoze ari umukinnyi Kimenyi Yves na Muyango Claudine , batangiye inzira yo gutandukana mu buryo bwemewe n’amategeko nyuma y’imyaka ibiri bakoze ubukwe bwabaye muri 2024.

Ubwo bukwe kandi babukoze nyuma y’imyaka igera kuri 5 bari bamaranye bakundana dore ko batangiye gukundana mu mwaka wa 2019, naho muri 2021 bagahita bibaruka imfura yabo.

Miss Muyango Claudine yabaye Nyampinga uberwa n’amafoto mu irushanwa rya Miss Rwanda 2019 ari nabwo Kimenyi wakiniye ikipe ya As Kigali n’Amavubi yamuteye imboni.

Uretse Amavubi kandi Kimenyi Yves yakiniye APR FC , Rayon Sports , As Kigali yabaye Kigali FC na Kiyovu Sports.

Muyango Claudine yaherukaga kuvugwa mu rukundo na Rutahizamu w’ikipe y’Igihugu y’u Rwanda Amavubi , Hakim Sahabo gusa bifatwa nk’ibidafite ishingiro.