Sanga:
Taylor Swift na Travis Kelce biravugwa ko bari kunyura mu kigeragezo cya mbere gikomeye mu mubano wabo, ahanini gishingiye ku byemezo bikomeye Travis Kelce agomba gufata ku hazaza h’umwuga we muri NFL, mu gihe banategura ubukwe.Ibi bihe bibagoye bije mu gihe buri umwe muri bo ari mu rugendo rukomeye rw’imyanzuro izagena ahazaza habo, yaba mu rukundo ndetse no mu mwuga. Nk’uko bitangazwa n’ikinyamakuru Daily Mail, umwuka mubi muto uri hagati yabo watewe n’uko Travis Kelce, w’imyaka 36, ari mu bihe bigoye nyuma y’uko ikipe ye ya Kansas City Chiefs ititwaye neza mu mwaka w’imikino wa 2025–2026. Ibyo byatumye haduka ibihuha by’uko ashobora guhagarika gukina muri National Football League (NFL) yo muri Leta Zunze Ubumwe za Amerika, ibintu byamuteye gutekereza cyane ku hazaza h’ubuzima bwe bwa siporo. Inshuti ya hafi y’aba bombi ivuga ko Taylor Swift, na we w’imyaka 36, yahisemo gushyira imbere gufasha umukunzi we kongera kwiyumva neza aho kwibanda cyane ku myiteguro y’ubukwe. Iyo nshuti ivuga ko Taylor ari kugerageza kumushyira mu mwuka mwiza, akamarana na we igihe kinini kandi akirinda kumuhatira gahunda z’ubukwe, kuko yifuza ko yabitekerezaho neza amaze gufata icyemezo ku mwuga we, azi neza akamaro ayo mahitamo amufitiye. Iyo nkomoko ikomeza ivuga ko Taylor abona ibi bihe barimo nk’ikigeragezo cya mbere nyacyo cy’urukundo rwabo. Igaragaza ko bakundanye mu bihe byiza cyane, aho Taylor yishimiraga intsinzi z’urugendo rwe rw’ibitaramo n’iterambere rikomeye mu mwuga we w’umuziki, naho Travis na we akishimira intsinzi za Super Bowl no kuzamuka kwe mu mupira w’amaguru w’abanyamerika. Ubu ariko Travis ageze mu gihe cyo kureba ejo hazaza he ku buryo bwimbitse kurusha mbere, ibintu atari asanzwe ahura na byo.Bivugwa ko Travis Kelce yiyumva nk’uwatsinzwe gato, cyane cyane bitewe n’uko atagikina nk’uko yari asanzwe abigira, bikamutera kubura ibyishimo byo kuba mu kibuga. [caption id="attachment_44465" align="alignnone" width="1169"]
Ibi bishobora gutuma atekereza gusubira gukina undi mwaka umwe niba yafata icyemezo cyo kudahita asezera burundu ku mukino wa NFL.[/caption] Amakuru avuga ko Kelce ateganya kumenyesha ikipe ya Kansas City Chiefs icyemezo cye ku hazaza h’umwuga we bitarenze mu ntangiriro za Werurwe. Nyuma y’ibyumweru bike bya Super Bowl, hategerejwe kumenya niba azagaruka gukina undi mwaka cyangwa niba azahitamo guhita asezera, icyo kikaba ari cyo gihe yihaye ngo afate icyemezo cy’ingenzi. Nubwo ibi bihe byaba bigoye, Travis Kelce ategerejweho ejo hazaza heza, haba mu muryango ateganya gushingana na Taylor Swift ndetse no mu yindi mishinga itandukanye irimo n’iy’itangazamakuru. Amakuru agaragaza ko bombi basanzwe bafite imigambi isobanutse ku buzima bwe nyuma ya NFL, irimo imishinga mishya ishobora kumufasha gukomeza kubaka izina n’ubuzima bwe. Iyo nkomoko ivuga ko ibintu bigenda bihinduka kuko Travis ageze mu mpera z’igice gikomeye cy’ubuzima bwe yari azi kuva kera. Aho ni ho atangiye gutekereza cyane ku kiruhuko cy’izabukuru, ku bukwe, ku muryango no ku buzima bushya bushobora kumujyana no mu rwego rwa televiziyo. Ku ruhande rwe, Taylor Swift ari guhangana n’ibi bihe bigoye yibanda ku bitekerezo byiza, ariko akifuza cyane ko umukunzi we abanza kubona ibyishimo n’umutekano w’imitima. Amakuru yatanzwe avuga ko Taylor ashaka ko Travis abanza kugera aho yumva yishimye, kuko amaherezo ibyo ari byo byatuma na we ubwe ndetse n’urukundo rwabo rwose bigira amahirwe menshi yo gukura neza. Abahagarariye Taylor Swift na Travis Kelce ntibigeze bagira icyo batangaza ku makuru yasohotse. Nk’uko byigeze gutangazwa mbere, aba bombi bateye intambwe igana ku kurushinga mu mpeshyi ya Kanama umwaka ushize, bakaba baranatangiye guteganya ubukwe bwihariye bwari buteganyijwe kubera muri Rhode Island mu mpeshyi itaha. Gusa, amakuru mashya agaragaza ko bashobora guhindura aho buzabera, bakibaza niba batahitamo Tennessee cyangwa se bakatekereza ku bukwe bwabera ku kirwa cyihariye, nk’uko Page Six ibitangaza. 
