Joseph Baena umwana wa Arnold Schwarzenegger yashyize ukuri hanze agaragaza uburyo Se afite uruhare rukomeye mu buryo agaragara kugeza ubu bigendanye n’uko umubiri we uteye.
Joseph Baena umwana wa Arnold Schwarzenegger yashyize ukuri hanze agaragaza uburyo Se afite uruhare rukomeye mu buryo agaragara kugeza ubu bigendanye n’uko umubiri we uteye.
Joseph w’imyaka 28 y’amavuko yatangiye kwigaragaza ku
ruhando mpuzamahanga mu marushanwa atandukanye ahuza abateruye ibiremerewe n’abafite
ibigango. Joseph yasobanuye ko Se ari umutoza mwiza dore ko kuri ubu afite
imyaka 78 akaba yaramamaye muri filime nka ‘Terminato’.
Baena Joseph ufite nyina wahoze ari umukozi wo mu rugo
rwa Arnold Schwarzenegger, aherutse
gutwara cya INBA Iron Gladiator Classic
Physique nyuma yo guhangana muri ayo marushanwa yabereye muti Colorado aho yari
ahatanye mu byiciro nka ‘Men’s Open Bodybuilding Heavy Weigh’ no mu byiciro bya
‘Novice Divisions’.
Arnold Schwarzenegger ubwe yabaye icyamamare mu mikino
y’abubatse umubiri mbere y’uko ajya gukina filime muri Hollywood hanyuma akajya
muri Politike.
Uyu mwana Joseph Baena utangiye guca uduhigo, yakunze
kujya yitoreza hamwe na Se ahazwi nka ‘Gold’s Gym’ muri ku mucanga wa Venice
aho Arnold Schwarzenegger yakunze kugaragara arimo kumufasha.
Mu kiganiro yagiranye GQ , Joseph Baena yavuze ko Se
yagize uruhare rukomeye mu myitozo ye no mu buryo agaragara kugeza ubu avuga ko
se yamuhaye ‘Igitabo cy’uburyo bwo kubaka umubiri kizwi nka ‘Encylopedia’,
ashatse kumvikanisha ko yamubaye hafi cyane.
Joseph yakomeje avuga ko ubu anezerewe cyane kandi ko
ari gushyira imbaraga mu guterura ibiremereye cyane bityo akaba ashyize
imbaraga mu mafunguro akungahaye ku ntungamubiri.
Agaruka kubyo kwitozanya na se , Joseph yavuze ko ari
umutoza mwiza kandi ko atabona uko abisobanura. Ati:”Papa ni umutoza mwiza wo
kwitoreza hamwe kandi rwose sinzi uburyo nabisobanura”.
Baena yari afite imyaka 13 y’amavuko ubwo muri 2011 Se
yatangazaga ko ari umuhungu we yabyaranye n’uwahoze ari umukozi we wo mu rugo.
Nyuma yo gutangaza ibyo Arnold wari ufite imyaka 25 , yahise ashakana n’umunyamakurukazi
Maria Shriver baza gutandukana muri 2021.
Arnold Schwarzenegger yabyaranye abana 4 na Shriver w’imyaka
69 kugeza ubu, barimo Katherine w’imyaka 35, Christina w’imyaka 34 ndetse n’abahungu
babiri Patrick w’imyaka 36 na Christopher w’imyaka 28.
